Ya mo Si Naida Mo Rugusi gu Fugodagbase Re?

Ho boro atikango ni na gupai ani napehe watadu ho ni aya ni wẽ ani saki kurapai funi, ani na ngbarago ka ndu kumbatayo kindi na gu fugodagbase re. Ani naida ka fura na agu aboro si awira wa “i aima ringbisa yo sa nyenye unga.”​—Amo. 13:48.

Ono na ka si du nga boro gbua na nyemu kaa ti kina kango, watadu ni aidanga ka fura ti gu regbo re te? Mo mangipai zezeredi rogo birĩ ka rugusa gu fugodagbase re. (Snz. 17:14) Mo duadu na irisa gbiati wene sino tipa gu boro re duadu berewe na nyemu ka fura na ani kumbatayo.​—1 Pet. 2:12.