Xí labúu gonyno par gonyno xchiin Dios más galán: Guiquiinno libro, «Tzodieʼto ló xcalnadxiʼ Dios» par guidxinni lainy xcalnabany buñ

XIGONY RASACNI: Par guicacuent Jehová mod rien buñ láabu, non gan buñ xí ranabbu né guisob buñ láani (Isa 2:3, 4). Libro ni laa, «Tzodieʼto ló xcalnadxiʼ Dios», nacni ni rarop libro ni rasuidyno né buñ, libro reʼ racnéni buñ gan ximod xilitz Jehová racnéni layibu mod guibanyibu (Heb 5:14). Gonyno rutirigaʼlni lóono par que xtiitz Jehová guidxinni dada lainy xcalnabanyibu, modreʼ órni guitzaʼyibu mod nabanyibu sonyibu láani portín nigolú nainy gonyibu ni ná Jehová (Ro 6:17).

XIMOD GONYNO LÁANI:

• Bisuidytzay xquiichlo. Cuá cuidad pu caquiin gonybu dxiin. Gonabdiitz láabu ximod riembu ni casuidybu modreʼ labúu sanlo xí ronybu pensary né xí rasacbu (Pr 20:5; be-S pág. 259).

• Biquiin cuadriyen ni sieed lo libro reʼ par labúu gacnélo buñ ni casuidylo par guiduidybu cuent balaati rasac guisobbu xilitz la Biblia.

• Gocné buñ ni casuidylo guiquimbu xcalrriembu órni gaibybu gonybu toib cós, per diti gaibylo láabu xí láani gonybu (Gál 6:5).

• Cuátzay cuidad pal buñ ni casuidylo rasac nagan guisob tipnés litz ni sieed ló la Biblia. Né diitz nadaʼa góoch láabu que pal nadxiʼbu Jehová raquiin guitzaʼbu mod nacbu (Pr 27:11; Jn 14:31).