LESIONY 14

Goleʼ loguiaʼ tipnés diitz ni más rasac

Hebreos 8:1

NI RAQUIIN GONYLO: Gocné buñ par guicadiag xtiscurslo, né bislooy ximod radzakni né tema ni caniʼlo.

Buny pensary xigony guituidylo discurs reʼ. Bibiʼ pal xtiscurslo guisienni o guichiinni layibu gonyibu toib cós né ndeʼ sacné looy par cueʼlo xtiscurslo. Cuá cuidad que guirá ni casetlalo gacnéni buñ guieen mod radzakni né tema ni caniʼlo.

Gonabdiitz looyca: «¿Xí galrranabdiitz rieed ló xpensary buñ ni cacadiag naʼ? ¿Ximod guinabdiitzyibu láani naʼ?». Después biyopy mod cuéxalo láani par guieen buñ ni cacadiag looy né guioladxyibu ni caniʼlo.
Bisetlaa guirási ór tema xtuny xtiscurslo. Órni cagoʼlo xtiscurslo guirási ór bisetlaa tema xtunyni o biquiin toib diitz ni radzak né láani.
Golexa puntos ni rareʼ loguiaʼ. Golú chop tzónsi puntos ni labúu cuéxalo ló tiemp ni naplo né non guidzakni né tema xtunylo. Diti guiniʼlo xidal cós ni rareʼlo loguiaʼ ló toib discurs, nír golexatzay toib punto diti nimaca cuéxalo stoib.

Órni salólo xtiscurslo bisetlaa puntos ni rareʼ loguiaʼ par gacnélo buñ guienyibu xi tema caniʼlo o labúu guisetlalo láani órni ma guiloxlo par labúu guisetnaladxyibu láani.