Gop paseins

Ni buny Jesús

VIDEO: Jesús gocnébu né paseins buchbu

1. Bibiʼ VIDEO o bíil Juan 7:3-5 né 1 Corintios 15:3, 4, 7. De ngú gon ximod rarexa guirá galrranabdiitz reʼ:

1. ¿Xí láani buny guirá buch Jesús primer?

2. ¿Ximod nanno que Jesús diti buny pensary que buchbu Santiago diti labúu natzaʼ?

¿Xí rasuidyno de ejemplo xtuny Jesús?

2. Tipnés buñ raquiinyibu más tiemp par guicacuentyibu diitz sacró, por ngú raquiin gapno paseins.

Bisuʼ Jesús

3. Biyopy stoib mod par gonylo que buñ guisaguel guisuidy. Pal buñ diti rasaguel guisuidylo láabu ni ná la Biblia, diti gony lafuerslo láabu. Per pal rabiʼlo que labúu gonylo láani, bislooy láabu tipnés videos né artículos par guibiʼbu ximod rasuidyno buñ ni ná la Biblia, né ximod labúu gacnéni láabu pal rasaguelbu guisuidybu.

4. Diti gony compararlo buñ. Tigaaga buñ gadzé mod nac. Pal toibtica xfamilo o buñ ni rabés ló territorio xtunylo moda diti nan pal guisuidylo láabu o guicacuentbu ni rasuidy la Biblia, gonabdiitzca looy xigony. ¿Ronladxgoluʼbu toib crenys ni rasuidy stipnés religión la? ¿Xfamilbu o xpesinbu cakíil láabu par diti guisuidybu la? Bidudy tiemp láabu par gonybu pensary ló ni ma biiyto diitz né guidxin guisac par láabu ni rasuidy la Biblia.

5. Goniné Jehová de buñcu. Gonab lóo Jehová gacnébu looy par guibiʼlo cós sacró ni noʼ né par guiyopylo mod sacró ni guininélo buñ. Láaca gonab Jehová gacnébu looy par ganlo pu ór ma guisianlo de tzáguenlo buñ ni diti tampa nainy gan de láabu (1 Cor. 9:26).