Goyoʼ galrrasaʼ por stipnés

Ni buny Jesús

VIDEO: Jesús raniné toib buñgonaʼ roʼ pós

1. Bibiʼ VIDEO o bíil Juan 4:6-9. De ngú gon ximod rarexa guirá galrranabdiitz reʼ:

1. ¿Xí láani bibiʼ Jesús antes de nasaló naninébu gonaʼ reʼ?

2. Jesús góoch láabu: «Bidudy nís gueeya». ¿Xigony ni goniʼbu ngú gocni toib mod galán par nasalóbu naninébu gonaʼ reʼ?

¿Xí rasuidyno de ejemplo xtuny Jesús?

2. Pentzi labúu gooyno diitz sacró né buñ, pal rasalóno ranino cós ni nainy ganbu.

Bisuʼ Jesús

3. Góc flexible. Xalagary salólo guininélo buñ cós ni looy rioladxlo, más galán gosaló goniné buñ cós ni láabu nainy ganbu. Por ngú bixal xpensarylo né bitzaʼ láani, né gonabdiitz looy:

1. «¿Xí láani careʼ ló notísy?».

2. «¿De xí láani raniʼ xpesina, buñ ni ronynéya dxiin o xcompañera ni rinéya scuel?».

4. Bibiʼtzay. Gonabdiitz ndeʼ looy:

1. «¿Xí láani cayony buñcu nigoreʼ? ¿Ló xí cayonybu pensary?».

2. «¿Xí raibyni naʼ mod nac xhapbu, lóbu né lidxbu de crenys né costumbres ni napbu?».

3. «¿Nacni toib galán ór par guininéya láabu la?».

5. Bicadiag.

1. Diti guiniʼgolulo.

2. Bidudy lagary buñ ni caninélo guiniʼ ni noʼ lainy xcalnabany. Órni labúuni buny galrranabdiitz láabu.