Guiquiinno jw.org órni guininéno buñ

Lagary ni napno ló Internet nigolú raquiinni par guininéno buñ diitz sacró dada «lagary ni noʼ más sit ló gudxlio» (Hech 1:8). Xidal buñ diti rimbu lagary ni napno ló Internet; ranyibu láani pal noʼ herman ni guislooy láani láabu o guiniʼ de láani.

Toib superintendente de circuito ma bilitbu video ni laa, ¿Xigony guisuidyno la Biblia? ló teléfono xtunybu, né raslooybu láani buñ guirási ór. Órni rasaabu yoʼ por yoʼ, rasaló raniʼbu: «Caninéya buñ tipratien par gacnéya layibu guidzelyibu ximod guicapyibu tzón galrranabdiitz ni más rony buñ: ¿Xigony racxiroʼ cós mal? ¿Ximod cueʼ Dios guiráni ló Gudxlio? né ¿Xí labúu gonyno laʼga nabanyno? Video reʼ racapy láani». Hermano reʼ diti ranabdiitzbu pal buñ ná guicadiag láani, láabu racaʼbu guii video reʼ né rabésbu xi rony pensary buñ. Video reʼ sacroyen nacni né por ngú buñ racadiag guidopyni. Órni ralox video reʼ herman reʼ raniʼ: «Xomod ma bicadiaglo, labúu tzoʼlo ló Internet jw.org, par guinablo toib ni guisuidy looy. Per laʼga noʼya reʼ labúu guislooya looy ximod rasuidydo buñ». Pal buñreʼ rasaguel, láabu raslooy ximod rasuidyno buñ né follet ni laa, Diitz sacró. Pal buñreʼ noʼ xchiin, ór cú raniʼbu que guibiguetbu stoib ór. Órni herman reʼ rasaladx reʼ café, láaca rasalóbu raniʼbu né buñ ni sob cueʼbu. Né ¿lóono ga? ¿Caquiinno jw.org par guininéno buñ de Dios la?