Biquiin jw.org órni tzeelo yoʼ por yoʼ: «Góc ximig Jehová»

Ló jw.org ro ná «Libros né guiich» napni videos ló toib lagarien ni laa «Góc ximig Jehová». (Ló dixtil, lagarien reʼ napni videos, cánticos né stipnés cós.) ¿Ma biquiinlo ndeʼ toibtica buelt órni goyeelo yoʼ por yoʼ la? Pal looy casuidylo né toib buñ ni nap ximbiox, bislooy láabu videos ni napni. Ndeʼ sachiin láabu guiyopybu más cós ni noʼ ló jw.org.

Órni toib hermano biduidy toib tratad número 38 a toib buñgonaʼ ni noʼ xiin, gonaʼ reʼ ni maca bíilbu láani. Né ximbioxbu goniiny guibiʼ de xí raniʼ tratad reʼ. Ór cú herman reʼ ni maca bislooy layibu xi rasetlaa tratad reʼ né biloyñabu página jw.org ni sieed ñeʼ guiich reʼ. Biduidybu cuent que gonaʼ reʼ né ximbioxbu bioladx láani, ór cú biquiimbu celular par bislooybu toib video xtuny Caleb.

Toib hermana goninébu toib buñgonaʼ ni rony dxiin né láabu, ni nap ximbiox. Né bisetlabu que jw.org labúu guidzelyibu xidal cós tzaay par family. Buñgonaʼ reʼ biyopy láani né xiin. Después gochbu hermana reʼ que órni ximbioxyibu dxee caguit láachluʼ roʼolyibu cántico ni laa «Predica la palabra», ndeʼ noʼni ló dixtil, ni sieed ro ná «Góc ximig Jehová».

Raquiin guibiʼlo guirási ór xí noʼ ló página jw.org, né guilitlo videos, música o stoib cós ló celular xtunylo. Pal ronylo láani, labúu tzoʼlo puext guiquiinlo jw.org órni tzeelo yoʼ por yoʼ, laʼga naclo xomós Jehová né de xiimbu Jesús (Hech. 20:19).