Guiruʼno guirá buñ ni noʼ ro rabésno par tzee Memorial

Ló íz reʼ, campaña par guiruʼno buñ tzee Memorial salóni 27 de febrero, né gonyno dada rutirigaʼlni lóono par guiruʼno buñ ni noʼ ro rabésno par tzeeyibu Memorial toibsi né lóono. Tzoʼno galrrasaʼ por guirá buñ ni cuacuent invitación par Memorial.

XIMOD GONYNO LÁANI

BIQUIIN NI SIEED LÓ REʼ

«Caruʼdo looy par guidoplo né lóodo, portín 23 de marz xidalguixo buñ ni noʼ ló guidopy Gudxlio guidopyibu par guisetnaladxyibu xcalgoity Jesucristo. Sioʼ toib discurs ni rareʼ ló la Biblia ximod xcalgoity Jesús racné lóono, né diti saguiixlo par guicadiaglo láani. Ló invitación reʼ sieed ór né lagary ro gacni. Nigolú raniiny lóodo guieedlo guidoplo né lóodo».

Pal toib buñ rioladx gan más:

• BISIANÉ LA ATALAYA

  Buny toib galrranabdiitz ni guicapylo stoib ór ni guibiguetlo.

• BILOOY LÁABU VIDEO XTUNY MEMORIAL

  Buny toib galrranabdiitz ni guicapylo stoib ór ni guibiguetlo.

Órni guibiguetlo:

• BILOOY LÁABU VIDEO ¿XIGONY GUISUIDYNO LA BIBLIA?

  Bisiané toibtica libros né guiich ni raquiinno par guisuidyno buñ.

• BISIANÉ LIBRO ¿XÍ NI MERPA RASUIDY LA BIBLIA?

  Biquiin ni rasetlaa páginas 206 a 208 de libro reʼ par cuéxalo buñ ni rasuidylo xí láani ngú Memorial. Después bisiané libro reʼ láabu.

• BISIANÉ FOLLET BICADIAG NI NÁ DIOS

  Biquiin ni rasetlaa páginas 18 né 19 par cuéxalo xi láani ngú xcalgoity Cristo. Después bisiané follet reʼ láabu.