Guislooyno videos buñ ni casuidyno la Biblia

Órni noʼ ni raslooy buñ lóono racaano cuidad láani, rienno más né rasetnaladxno más ni ma bisuidyno. Jehová, Mextra ni más nan, ngúca bunybu órni bisuidybu buñ cós ni rasac (Gé 15:5; Jer 18:1-6). Jesús ni nac toib galán Mextra láaca buny scúca (Mt 18:2-6; 22:19-21). Ma ndeʼga nigolú caquiinno videos. ¿Caslooyno láani buñ ni casuidyno la Biblia la?

Nigoreʼ, napno chii videos ni racné lóono cuéxano lesiony ni sieed ló follet ¡Diitz sacró ni sieed de Dios! Casi guirá ór título xtuny videos radzakni né galrranabdiitz ni sieed ló lesiony xtuny follet ni caa ló letra yaʼasien. Follet reʼ ni noʼ ló Internet raibyni lóono pu ór guiquiinno tigaaga video. Láaca, noʼ stipnés videos ni sieed ló kit de enseñanza ni raquiinno órni rasuidyno buñ la Biblia.

¿Buñ ni casuidylo ni ná la Biblia rasac naganbu guiembu ni casuidybu la? ¿Cadudybu ló toibtica galnagan la? Biyopy toib video ni labúu gacné láabu ló www.pr2711.com/zpa o ló JW Broadcasting®. Sigory labúu guibiʼto láani toibsi né guiniʼto xi biento loni.

Guirá beʼo rareʼ videos ni nacopyga. Órni guibiʼlo láani, buny pensary ximod guiquiinlo láani par guisuidylo buñ.