Buny galrranabdiitz

Mateo 16:13-16

NI RAQUIIN GONYLO: Biyopy mod buny galrranabdiitz par guicadiag buñ looy né diti guixacladxyibu, par gonyibu pensary ló ni caniʼlo né par guireʼ loguiaʼ puntos ni más rasac.

XIMOD GONYLO LÁANI:

• Biyopy mod guicadiag buñ looy. Buny galrranabdiitz ni gacné buñ gony pensary né guiniiny ganyibu más.

• Biyopy mod gonyibu pensary ló toib tema. Gocné buñ ni cacadiag looy gonyibu pensary ló toib tema né biquiin xidal galrranabdiitz par que stipláacayibu guiduidyibu cuent xigony nacni scú.

• Goleʼ loguiaʼ tipnés puntos ni más rasac. Antes de guiniʼlo toib punto ni rareʼ loguiaʼ, buny toib galrranabdiitz ni gony que buñ guiniiny gan ximod rarexani. Biquiin tipnés galrranabdiitz de repas órni guilox guiniʼlo toib punto ni más rasac o órni ma guisloʼoxlo xtiscurslo.