Biquiin diitz nayaa

Ni buny Jesús

VIDEO: Jesús biquiin toib ejemplo par naslooybu que Jehová ran lóono

1. Bibiʼ VIDEO o bíil Mateo 6:25-27. De ngú gon ximod rarexa guirá galrranabdiitz reʼ:

1. ¿Xí ejemplo biquiin Jesús par naslooybu que Jehová ran lóono?

2. Ná gon Jesús xidal cós de manybiguin, ¿xí cós nayaa goleʼ loguiaʼbu, né xigony góc ndeʼ toib mod galán ni bisuidybu?

¿Xí rasuidyno de ejemplo xtuny Jesús?

2. Pal raquiinno diitz nayaa órni guininéno buñ sasetnaladxyibu ni casuidyno layibu né sadxinni lainy xcalnabanyibu.

Bisuʼ Jesús

3. Diti guiniʼgolulo. Diti gaibylo buñ ni casuidylo guirá ni nanlo de toib tema. Xalagary ngú, bisuidy láabu ni caa ló libro ni caquiinlo. Órni guinabdiitzlo láabu, golés né paseins guicapybu. Per ¿pal diti nanbu xí guicapybu o raniʼbu cós ni diti noʼ de acuerdo né ni ná la Biblia ga? Buny stipnés galrranabdiitz láabu par guicapybu xinésni. Pal buñ ni casuidylo ma bieen ni náni, godudy ló stoib párrafo.

4. Biquiin ni ma nan buñ ni casuidylo par gacnélo láabu guiembu stipnés cós copy. Por ejemplo, pal saló guisuidyto toib lesiony ro ritlaa que siás gueʼet, labúu gonylo toib repas ni ma nan buñ ni casuidylo ni racno órni raityno.

5. Golútzay ejemplos ni guiquiinlo. Antes de guiquiinlo toib ejemplo, gonabdiitz looy:

1. «¿Nayaa ejemplo reʼ la?».

2. «¿Diti sasac naganbu guiembu láani la?».

3. «¿Sasetnaladx buñ ni rasudi ni rareʼ loguiaʼ, o nosi sasetnaladxbu ejemplo ni bisetlaya la?».