Goyoʼ xalagary buñ

Ni buny Jesús

VIDEO: Jesús rioʼ nabann órni rabiʼbu xidalguixo buñ

1. Bibiʼ VIDEO o bíil Marcos 6:30-34. De ngú gon ximod rarexa guirá galrranabdiitz reʼ:

1. ¿Xigony goniiny Jesús né xpiin ñeeyibu toib lagary «ro diti noʼ buñ»?

2. ¿Xí láani bichiin Jesús par ñony predicarbu xidalguixo buñ?

¿Xí rasuidyno de ejemplo xtuny Jesús?

2. Órni rioʼno xalagary buñ, rioʼno galrrasaʼ por buñ né diti nosi par gaibyno layibu ni rasuidy la Biblia.

Bisuʼ Jesús

3. Bicadiagtzay buñ. Bidudy lagary guiniʼ buñcu né diti guichoclo ló ro caniʼbu. Pal diti noʼbu de acuerdo né looy o raibybu looy ni rasacbu né galrrasaʼ ni noʼbu ló, goloʼ cuent láabu. Pal racadiagtzaylo láabu, buñcu sadudy cuent que nigolú rioʼlo galrrasaʼ ni ronybu pensary.

4. Buny pensary ló buñcu. Bisetnaladx ni ma goniʼto né gonabdiitz looy:

1. «¿Xigony raquiin ganbu ni nigolú?».

2. «¿Ximod ñacnéni láabu ló xcalnabanybu nigoreʼ né ló dzú ni sietra ni guisuidybu la Biblia?».

5. Biquiin información ni gacné buñ ni caninélo. Nimaca bislooy láabu ximod ni guisuidybu la Biblia labúu guicapyni galrranabdiitz ni napbu né ximod labúu gacnéni láabu de xidal mod.