Góc buñtzay

Ni buny Jesús

VIDEO: Jesús rasial toib buñdxep

1. Bibiʼ VIDEO o bíil Juan 9:1-7. De ngú gon ximod rarexa guirá galrranabdiitz reʼ:

1. ¿Xí láani buny Jesús primerdiguieʼ: bisialbu buñdxep cu la, o gochbu buñcu diitz sacró xtuny Dios? (Bibiʼ ni ná Juan 9:35-38).

2. ¿Xigony gosaguel buñcu nacadiagbu Jesús?

¿Xí rasuidyno de ejemplo xtuny Jesús?

2. Sigory toib buñ sasaguel guicadiag lóono, pal rasacbu que rioʼno galrrasaʼ por láabu.

Bisuʼ Jesús

3. Goyoʼ xalagary buñ. Buny pensary ximod rasac buñ ni caninélo.

1. Gonabdiitz ndeʼ looy: «¿Ló xí láani sigory rioʼbu galrrasaʼ? ¿Xí cós labúu guioladxbu o gacné láabu?». Chop galrranabdiitz reʼ sacnéni looy par guislooylo que nigolú naclo buñtzay.

2. Bicadiagtzay láabu, modreʼ sadudybu cuent que rioʼlo galrrasaʼ ló ni cayapybu looy. Pal buñ ni caninélo rasaló raniʼbu mod rasacbu, o galnagan ni cadudybu ló, diti guitzaʼlo tema né guiniʼlo stipnés cós.

4. Gop respet né biyopy mod guininélo buñ. Órni ronladxno toib buñ né nigolú nainy gacnéno láabu, rienni por mod ranino. Por ngú golútzay ni guiniʼlo né mod guiniʼlo láani. Diti guiniʼlo xitcal ni labúu gonynaa buñ ni caninélo.

5. Gocné buñ. Biyopy mod gacnélo buñ ni caninélo. Pal raclo buñtzay né buñcu, labúu gacnéni looy par guininélo láabu sacró.