¿Ulihpu guipguiat gybahñy meñyguty yahc sto lá?

NI NÉ XDÎDZ DIOS

«Guipguiat gybahñy meñyguty yahc.» (Hechos 24:15, Traducción del Nuevo Mundo.)

XNAHC RAGNǑÜ GAṈ NOO LÊÜ

Ba nehx ma ziuʼ noo triixt ru gaty to meñy ni rquelaadzy noo lê (2 Corintios 1:3, 4).

Ba nehx ma gydzie noo guilguhty (Hebreos 2:15).

Rahp noo speraanz güieʼ noo gybahñy meñyguty yahc ni bintsii noo lê (Juan 5:28, 29).

¿NUU BIA NACU GLILAADZY NOO NI NE XDÎDZ DIOS LÁ?

Sé, nuu micze tsoṉu:

• Dios e ni rdê guilmbahñy. Xdîdz Dios rnî de Jehová «de lême ziâd guilmbahñy» (Salmo 36:9; Hechos 17:24, 25). Bal bêy bydême guilmbahñy gyre ni mbahñy, segahc bêyu lême guispahñyme meñy ba guhty yahc.

• Dios ba bispahñyme meñyguty yahc bastsee. Xdîdz Dios rzaʼdu de xuun meñyguty yahc ni gübahñy sto —mquiee, ngünâ, mbiǔx, mbiuxtohpy no meñyguhl— gyre yame gupguiat gübahñy lo guidzyliee sto. Nuu yame lêr guhty, per to dic lêyame ba rahp tahp dze ni guhty (Juan 11:39-44).

• Dios gaxilnǒ guispahñyme meñyguty yahc. Jehová neelaadzyme guilguhty porni ruieʼmeeü bêy to enemiigü (1 Corintios 15:26). Gaxilnǒme gyniʼdyme guilguhty no gtsômeeü ru guispahñyme meñyguty yahc. Meñyguty yahc ni ritsalooü lême riuʼlaadzyme tsuu yame lo guidzyliee sto (Job 14:14, 15).