11 “‘Ekuqaleni kwenyanga ngayinye* niyoletha kuJehova amathole amabili eduna, inqama eyodwa namawundlu ayisikhombisa angamaduna aphile kahle, ngalinye elinonyaka owodwa ubudala, kube umnikelo oshiswayo, + 12 nezilinganiso ezintathu eshumini zikafulawa ocolekile oxutshwe namafutha kube umnikelo wokudla okusanhlamvu + ngeduna ngalinye lenkomo, nezilinganiso ezimbili eshumini zikafulawa ocolekile oxutshwe namafutha kube umnikelo wokudla okusanhlamvu waleyo nqama eyodwa, + 13 nesilinganiso sokweshumi sikafulawa ocolekile oxutshwe namafutha kube umnikelo wokudla okusanhlamvu ngewundlu ngalinye leduna, kube umnikelo oshiswayo, iphunga elimnandi, *+ umnikelo oshiswa emlilweni oya kuJehova.