Eyokuqala YeziKronike
27 Leli yinani lama-Israyeli, izinhloko zemindeni yoyise, izinduna zezinkulungwane nezamakhulu + nezikhulu zawo ezazikhonza inkosi, + kuzo zonke izindaba zezigaba ezazingena ziphuma inyanga nenyanga ngazo zonke izinyanga zonyaka; isigaba ngasinye sasinabantu abangu-24 000.
2 UJashobeyamu + indodana kaZabidiyeli wayephethe isigaba sokuqala senyanga yokuqala, esigabeni sakhe kukhona abangu-24 000. 3 Emadodaneni kaPherezi, + wayeyinhloko yazo zonke izinduna zamaqembu abelwe ukukhonza ngenyanga yokuqala. 4 UDodayi + umAhohi + kanye nesigaba sakhe, wayephethe isigaba senyanga yesibili, uMikiloti engumholi, esigabeni sakhe kukhona abangu-24 000. 5 Induna yeqembu lesithathu elalabelwe ukukhonza ngenyanga yesithathu kwakunguBhenaya + indodana kaJehoyada + umpristi omkhulu, esigabeni sakhe kukhona abangu-24 000. 6 Lo Bhenaya wayeyiqhawe kwabangamashumi amathathu futhi ephethe abangamashumi amathathu, isigaba sakhe siphethwe u-Amizabadi indodana yakhe. 7 Induna yesine yenyanga yesine kwakungu-Asaheli, + umfowabo kaJowabe, + walandelwa uZebadiya indodana yakhe, esigabeni sakhe kukhona abangu-24 000. 8 Induna yesihlanu yenyanga yesihlanu kwakunguShamihuti umIzrahiya, esigabeni sakhe kukhona abangu-24 000. 9 Induna yesithupha yenyanga yesithupha kwakungu-Ira + indodana ka-Ikheshi waseThekhowa, + esigabeni sakhe kukhona abangu-24 000. 10 Induna yesikhombisa yenyanga yesikhombisa kwakunguHelezi + umPheloni wabakwa-Efrayimi, esigabeni sakhe kukhona abangu-24 000. 11 Induna ka-8 yenyanga ka-8 kwakunguSibhekayi + umHusha wamaZera, + esigabeni sakhe kukhona abangu-24 000. 12 Induna ka-9 yenyanga ka-9 kwakungu-Abhi-ezeri + umAnathoti + wabakwaBhenjamini, esigabeni sakhe kukhona abangu-24 000. 13 Induna yeshumi yenyanga yeshumi kwakunguMaharayi + umNethofa wamaZera, + esigabeni sakhe kukhona abangu-24 000. 14 Induna ka-11 yenyanga ka-11 kwakunguBhenaya + umPirathoni wabantwana bakwa-Efrayimi, esigabeni sakhe kukhona abangu-24 000. 15 Induna ka-12 yenyanga ka-12 kwakunguHelidayi umNethofa, ka-Otheniyeli, esigabeni sakhe kukhona abangu-24 000.
16 Laba kwakungabaholi bezizwe zakwa-Israyeli: KwabakwaRubeni, u-Eliyezeri indodana kaZikiri wayengumholi; kwabakwaSimeyoni, uShefathiya indodana kaMahakha; 17 kwaLevi, uHashabiya indodana kaKhemuweli; ku-Aroni uZadoki; 18 kwaJuda, u-Elihu, + omunye wabafowabo bakaDavide; kwa-Isakare, u-Omri indodana kaMikayeli; 19 kwaZebhuloni, u-Ishimaya indodana ka-Obadiya; kwaNafetali, uJerimoti indodana ka-Aziriyeli; 20 kwabakwa-Efrayimi, uHosheya indodana ka-Azaziya; kuhhafu wesizwe sakwaManase, uJoweli indodana kaPhedaya; 21 kuhhafu wesizwe sakwaManase esiseGileyadi, u-Ido indodana kaZakariya; kwaBhenjamini, uJahasiyeli indodana ka-Abhineri; + 22 kwaDani, u-Azareli indodana kaJerohamu. Lezi kwakuyizikhulu zezizwe zakwa-Israyeli.
23 UDavide akababalanga labo abaneminyaka engu-20 ubudala kuya phansi, ngoba uJehova wayethembise ukwenza u-Israyeli abe mningi ngangezinkanyezi zamazulu. + 24 UJowabe indodana kaZeruya wayeseqalile ukubala, kodwa akaqedanga; ngenxa yalokhu + uNkulunkulu wamthukuthelela u-Israyeli, futhi isibalo asizange sifakwe emlandweni wezikhathi zeNkosi uDavide.
25 Owayephethe ingcebo yenkosi + kwakungu-Azimaveti indodana ka-Adiyeli. UJonathani indodana ka-Uziya wayephethe izinqolobane* emasimini, emadolobheni, emaphandleni nasemibhoshongweni. 26 Owayephethe izisebenzi ezazilima emasimini, kwakungu-Eziri indodana kaKelubi. 27 Owayephethe amasimu amagilebhisi kwakunguShimeyi waseRama; owayephethe isivuno samagilebhisi okwenza iwayini kwakunguZabidi umShifamu. 28 Owayephethe izihlahla zeminqumo nezihlahla zemisikhamori + eShefela + kwakunguBhali-hanani waseGederi; owayephethe imikhiqizo yamafutha kwakunguJowashi. 29 Owayephethe imihlambi yezinkomo eyayidla eSharoni + kwakunguShitirayi umSharoni, owayephethe imihlambi yezinkomo eyayisemathafeni kwakunguShafati indodana ka-Adilayi. 30 Owayephethe amakamela kwakungu-Obhili umIshmayeli; owayephethe izimbongolo kwakunguJehideya umMeronoti. 31 Owayephethe imihlambi yezimvu nezimbuzi kwakunguJazizi umHagiri. Bonke laba babeyizinduna zempahla yeNkosi uDavide.
32 UJonathani + indodana yomfowabo kaDavide wayengumeluleki, engumuntu onokuqonda futhi engunobhala, uJehiyeli indodana kaHakimoni wayenakekela amadodana enkosi. + 33 U-Ahithofeli + wayengumeluleki wenkosi, uHushayi + umArikhi engumngani* wenkosi. 34 Ngemva kuka-Ahithofeli kwakukhona uJehoyada indodana kaBhenaya + no-Abhiyathara; + uJowabe + wayeyinduna yebutho lenkosi.