UHezekeli
4 “Wena ndodana yomuntu, thatha isitini usibeke phambi kwakho. Uqophe kuso umdwebo wedolobha—iJerusalema. 2 Kumele ulwe nalo leli dolobha, ulivimbezele, + wakhe udonga lokulivimbezela, + uphakamise udonga lokuvikela, + umise amakamu empi, wenze idolobha lizungezwe izikhali zokulibhubhisa. + 3 Thatha isigazingo, usibeke njengodonga lwensimbi phakathi kwakho nedolobha. Wenze ubuso bakho bumelane nalo, lizovinjezelwa; kumele ulivimbezele. Lesi isibonakaliso endlini ka-Israyeli. +
4 “Wena kufanele ulale ngohlangothi lwesobunxele, icala lendlu ka-Israyeli liyoba kuwe *+ ngezinsuku oyobe ulele ngazo ngohlangothi. 5 Lokhu uyokwenza ngezinsuku ezingu-390, ngokuhambisana neminyaka yecala layo, + icala lendlu ka-Israyeli liyothwalwa nguwe. 6 Kumele uziqede.
“Okwesibili, uyolala ngohlangothi lwakho lwesokudla, uthwale icala lendlu kaJuda + izinsuku ezingu-40. Usuku lumelele unyaka, usuku lumelele unyaka, yilokho engikunike kona. 7 Uyophendulela ubuso bakho ekuvinjezelweni kweJerusalema, + ufingqe umkhono engalweni, kumele uprofethe ngokumelene nalo.
8 “Bheka! Ngizokubopha ngezintambo ukuze ungaphendukeli kolunye uhlangothi, zize ziphele izinsuku zokulivimbezela kwakho.
9 “Kufanele uthathe ukolweni, ibhali, ubhontshisi, udali, unyaluthi nesipelite, ukufake esitsheni esisodwa, uzenzele isinkwa ngakho. Uzosidla izinsuku oyolala ngazo ngohlangothi, izinsuku ezingu-390. + 10 Uzokala futhi udle amashekeli angu-20* okudla ngosuku. Uzokudla ngezikhathi ezimisiwe.
11 “Amanzi uzowaphuza ngesilinganiso, okwesithupha kwehini.* Uzowaphuza ngezikhathi ezimisiwe.
12 “Uzosidla ngendlela obungadla ngayo ulofu webhali oyindilinga; uzosibhaka phambi kwabo, ubase ngendle yabantu eyomile.” 13 UJehova wabuye wathi: “Yileyo ndlela ama-Israyeli ayosidla ngayo isinkwa sawo—singcolile—phakathi kwezizwe engiyowahlakazela kuzo.” +
14 Ngabe sengithi: “Makungabi njalo Nkosi EnguMbusi Jehova! Kusukela ebusheni bami kuze kube manje, angikaze ngingcoliswe ukudla ingcuba noma inyama yesilwane esidwenguliwe, + angikaze ngiyifake inyama engcolile emlonyeni wami.” +
15 Ngakho wathi kimi: “Kulungile, ngizokuvumela usebenzise amalongwe ezinkomo esikhundleni sendle yabantu, isinkwa sakho uzosibhaka ngawo.” 16 Wabe esethi kimi: “Ndodana yomuntu, ngizonqamula ilungiselelo lokudla* eJerusalema, + isilinganiso sesinkwa sabo bayosidla bekhathazeke kakhulu, + bayophuza isilinganiso samanzi abo ngokwesaba okukhulu. + 17 Lokhu kuyokwenzeka kangangokuba bayoswela ukudla namanzi, babukane bodwa beshaqekile, baphele emzimbeni ngenxa yesiphambeko sabo.