IsiLilo
א [Aleph]
4 Yeka indlela igolide elicwebezelayo eligqwale ngayo, igolide elihle! +
Yeka indlela amatshe endawo engcwele + ahlakazeke ngayo kuwo wonke amakhona omgwaqo! *+
ב [Beth]
2 Ngokuqondene namadodana ayigugu aseZiyoni, ayeyigugu njengegolide* elicwengiwe,
Yeka indlela asebhekwa ngayo njengezimbiza zobumba,
Umsebenzi wezandla zombumbi!
ג [Gimel]
3 Ngisho nezimpungushe ziyawancelisa amawundlu azo,
Kodwa indodakazi yabantu bami isinesihluku + njengezintshe zasehlane. +
ד [Daleth]
4 Ulimi losana oluncelayo lunamathela olwangeni lwalo ngenxa yokoma.
Abantwana bacela ukudla, + kodwa akekho obanika kona. +
ה [He]
5 Labo ababedla izibiliboco balele emigwaqweni belambile. *+
Labo abakhula begqoka izingubo ezibizayo *+ sebelala emlotheni.
ו [Waw]
6 Isijeziso* sendodakazi yabantu bami sikhulu kunesijeziso sesono seSodoma, +
Elagumbuqelwa ngomzuzwana, kungekho muntu ozolisiza. +
ז [Zayin]
7 AmaNaziri + eZiyoni ayehlanzekile kuneqhwa, emhlophe kunobisi.
Ayebomvu kakhulu kunamakhorali; ayenjengamasafire acwebezelayo.
ח [Heth]
8 Asebukeka emnyama kunentshede;*
Awasabonakali ngisho nasemigwaqweni.
Isikhumba sawo somile, amathambo ahleli obala; + sesinjengogodo olomile.
ט [Teth]
9 Ababulewe ngenkemba bangcono kunalabo ababulewe yindlala, +
Labo abaphelelwa amandla, njengokungathi bagwazwe ngenkemba ngenxa yokuntuleka kokudla emasimini.
י [Yod]
10 Izandla zabesifazane abanozwela zipheke abantwana babo. +
Babe ngukudla kwabo* ngesikhathi sokuphuka kwendodakazi yabantu bami. +
כ [Kaph]
11 UJehova uluvezile ulaka lwakhe;
Uyithululile intukuthelo yakhe evuthayo. +
Uthungela umlilo eZiyoni, oshisa izisekelo zalo. +
ל [Lamed]
12 Amakhosi omhlaba nazo zonke izakhamuzi zezwe azizange zikholwe
Ukuthi abaphikisi nesitha babeyongena emasangweni aseJerusalema. +
מ [Mem]
13 Kwakungenxa yezono zabaprofethi balo, iziphambeko zabapristi balo, +
Ababechitha igazi labalungile phakathi kwalo. +
נ [Nun]
14 Bazulazule emigwaqweni njengezimpumputhe. +
Bangcoliswe yigazi, +
Kangangokuba akekho okwazi ukuthinta izingubo zabo.
ס [Samekh]
15 Bayabamemeza bathi: “Hambani! Anihlanzekile!” “Hambani! Hambani! Ningasithinti!”
Ngoba abasenalo ikhaya, bayazulazula.
Abantu bezizwe bathe: “Ngeke bakwazi ukuhlala nathi. *+
פ [Pe]
Abantu ngeke besabahlonipha abapristi, + ngeke bawabonise umusa amadoda amadala.” +
ע [Ayin]
17 Ngisho namanje amehlo ethu akhathele ngenxa yokulindela usizo olungafiki. +
Silufune salufuna usizo esizweni esingeke sikwazi ukusisindisa. +
צ [Tsade]
18 Basizingele + kangangokuba asisakwazi ukuhamba ezigcawini zethu.
Ukuphela kwethu kusondele; izinsuku zethu ziphelile, ngoba ukuphela kwethu kufikile.
ק [Qoph]
19 Ababesijaha babenejubane kunezinkozi ezisesibhakabhakeni. +
Basijaha ezintabeni; basicuthela ehlane.
ר [Resh]
20 Umoya esiwuphefumulayo, ogcotshiwe kaJehova, + ubanjiwe emgodini wabo omkhulu, +
Lowo esithe ngaye: “Sizohlala emthunzini wakhe phakathi kwezizwe.”
ש [Sin]
21 Yethaba futhi ujabule ndodakazi yakwa-Edomi, + njengoba nje uhlala ezweni lase-Uze.
Kodwa indebe izodlula nangakuwe, + uzodakwa uhambe nqunu. +
ת [Taw]
22 O ndodakazi yaseZiyoni, isijeziso sesono sakho sesifinyelele ekupheleni.
Ngeke aphinde* akuyise ekudingisweni. +
Kodwa uNkulunkulu uzokwahlulela ngenxa yeziphambeko zakho, ndodakazi yakwa-Edomi.
Uzozembula izono zakho. +