Eyesibili KaSamuweli
9 UDavide wabe esethi: “Ingabe ukhona osasele endlini kaSawule engingambonisa uthando oluqotho ngenxa kaJonathani?” + 2 Manje kwakunenceku yendlu kaSawule egama layo linguZiba. Ngakho bayibizela kuDavide, inkosi yathi kuyo: “Ingabe uwena uZiba?” + Yona yaphendula yathi: “Ngiyinceku yakho.” 3 Inkosi yaqhubeka yathi: “Ingabe usekhona osasele endlini kaSawule engingambonisa uthando lukaNkulunkulu oluqotho?” UZiba waphendula wathi enkosini: “Ikhona indodana eyodwa kaJonathani; ikhubazekile kuzo zombili izinyawo.” + 4 Inkosi yathi kuye: “Ikuphi?” UZiba wathi enkosini: “Isemzini kaMakiri + indodana ka-Amiyeli, eLo-debari.”
5 Ngokushesha iNkosi uDavide yathumela ukuba iyolandwa emzini kaMakiri indodana ka-Amiyeli, eLo-debari. 6 Lapho uMefibhosheti indodana kaJonathani indodana kaSawule efika kuDavide, ngaso leso sikhathi waguqa wakhothama. UDavide wabe esethi: “Mefibhosheti!” yena wathi: “Yebo nkosi yami.” 7 UDavide wathi kuye: “Ungesabi, ngoba nakanjani ngizokubonisa uthando oluqotho + ngenxa kaJonathani uyihlo, ngizobuyisela kuwe yonke indawo kamkhulu wakho uSawule, wena uzodla* etafuleni lami njalo.” +
8 Lapho ezwa lokho wakhothama wathi: “Iyini nje inceku yakho ukuba unake* inja efile + njengami?” 9 Inkosi yabe isithumela ukuba kubizwe uZiba, isikhonzi sikaSawule, yathi kuye: “Yonke into ebingekaSawule nayo yonke indlu yakhe ngiyinika umzukulu wenkosi yakho. + 10 Uzomlimela amasimu akhe—wena namadodana akho nezinceku zakho—uzovuna isivuno sawo ukuze umndeni womzukulu wenkosi yakho uthole ukudla ozokudla. Kodwa uMefibhosheti umzukulu wenkosi yakho, uzodla etafuleni lami njalo.” +
UZiba wayenamadodana angu-15 nezinceku ezingu-20. + 11 UZiba wathi enkosini: “Inceku yakho izokwenza konke lokho inkosi yami eyala inceku yayo ukuba ikwenze.” Ngakho uMefibhosheti wadla etafuleni likaDavide* njengenye yamadodana enkosi. 12 UMefibhosheti wayenendodana esencane, igama layo kwakunguMikha. + Bonke ababehlala endlini kaZiba baba yizinceku zikaMefibhosheti. 13 UMefibhosheti wayehlala eJerusalema, ngoba wayedla etafuleni lenkosi njalo; + wayekhubazekile kuzo zombili izinyawo. +