AmaHubo

Kumqondisi; kufanele lihambisane nezinsimbi zomculo ezinezintambo. ElikaDavide.

61 O Nkulunkulu, yizwa ukukhalela kwami usizo.

Lalela umthandazo wami. +

2 Ngizokhala kuwe ngisemikhawulweni yomhlaba

Lapho inhliziyo yami iphelelwe yithemba. *+

Ngiholele edwaleni eliphakeme kunami. +

3 Ngoba uyisiphephelo sami,

Umbhoshongo oqinile ongivikela esitheni. +

4 Ngizoba yisimenywa etendeni lakho kuze kube phakade; +

Ngizophephela ngaphansi kwesivikelo samaphiko akho. + (Sela)

5 Ngoba wena, Nkulunkulu, uzizwile izifungo zami.

Unginike ifa elitholwa yilabo abesaba igama lakho. +

6 Uyokwelula ukuphila kwenkosi, *+

Iyophila isikhathi eside, izizukulwane ngezizukulwane.

7 Iyohlala esihlalweni sobukhosi* kuze kube phakade phambi kukaNkulunkulu; +

Kwangathi uthando lwakho oluqotho nokwethembeka kwakho kungayivikela. *+

8 Khona-ke ngiyolihubela izindumiso* igama lakho kuze kube phakade +

Njengoba ngigcwalisa izifungo zami usuku nosuku. +