Eyesibili YamaKhosi
2 Lapho uJehova esezonyusela u-Eliya + esibhakabhakeni* ngesivunguvungu, + u-Eliya no-Elisha + basuka eGiligali. + 2 U-Eliya wathi ku-Elisha: “Ngicela usale lapha ngoba uJehova ungithume eBhethele.” Kodwa u-Elisha wathi: “Ngifunga uJehova kuwe,* ngeke ngikushiye.” Ngakho behlela eBhethele. + 3 Ngemva kwalokho amadodana abaprofethi* ayeseBhethele aphuma aya ku-Elisha athi kuye: “Uyazi yini ukuthi namuhla uJehova uyayithatha inkosi yakho, ngeke isaba inhloko phezu kwakho?” + Yena wathi: “Thulani. Ngikwazi kahle lokho.”
4 U-Eliya wathi kuye: “Elisha, ngicela usale lapha ngoba uJehova ungithume eJeriko.” + Kodwa yena wathi: “Ngifunga uJehova kuwe,* ngeke ngikushiye.” Ngakho bahamba baze bafika eJeriko. 5 Amadodana abaprofethi ayeseJeriko eza ku-Elisha athi kuye: “Uyazi yini ukuthi namuhla uJehova uyayithatha inkosi yakho, ngeke isaba inhloko phezu kwakho?” Yena wathi: “Thulani. Ngikwazi kahle lokho.”
6 Manje u-Eliya wathi kuye: “Ngicela usale lapha ngoba uJehova ungithume eJordani.” Kodwa yena wathi: “Ngifunga uJehova kuwe,* ngeke ngikushiye.” Ngakho bobabili baqhubeka nendlela. 7 Amadodana abaprofethi angu-50 nawo ahamba, afike ama buqamama ababuka, njengoba bona bobabili bemi ngaseJordani. 8 U-Eliya wathatha isembatho sakhe + esikhethekile wasisonga washaya ngaso amanzi, ahlukana phakathi aya ngapha nangapha, bobabili bawela emhlabathini owomile. +
9 Lapho nje sebewelile u-Eliya wathi ku-Elisha: “Cela ofuna ngikwenzele kona ngaphambi kokuba uNkulunkulu angithathe.” Ngakho u-Elisha wathi: “Ngicela ukuba ngithole izingxenye ezimbili zomoya *+ wakho.” + 10 Waphendula wathi: “Ucele into enzima. Uma ungibona lapho ngithathwa, kuzokwenzeka kuwe ngaleyo ndlela; kodwa uma ungangiboni, ngeke kwenzeke.”
11 Njengoba babehamba bexoxa, kungazelelwe inqola evuthayo namahhashi avuthayo + kwabahlukanisa phakathi, u-Eliya wenyukela esibhakabhakeni* ngesivunguvungu. + 12 Njengoba u-Elisha ayebukele, wayememeza ethi: “Baba, baba! Inqola ka-Israyeli nabagibeli bakhe bamahhashi!” + Lapho engasamboni, wabamba izingubo zakhe waziklebhula. + 13 Ngemva kwalokho wacosha isembatho esikhethekile + esasiwe ku-Eliya, waphindela emuva wafike wama ngasosebeni lweJordani. 14 Wathatha isembatho esikhethekile esasiwe ku-Eliya washaya ngaso amanzi wathi: “Uphi uJehova uNkulunkulu ka-Eliya?” Lapho eshaya amanzi, ahlukana aya ngapha nangapha u-Elisha wawela. +
15 Lapho amadodana abaprofethi ayeseJeriko embona esekude, athi: “Umoya ka-Eliya usuphezu kuka-Elisha.” + Ngakho ahamba ayomhlangabeza afike akhothama phambi kwakhe. 16 Athi kuye: “Phakathi kwezinceku zakho kukhona amadoda angu-50 anesibindi. Sicela uwavumele ahambe ayofuna inkosi yakho. Mhlawumbe umoya* kaJehova uyiphakamisile wase uyiphonsa kwenye yezintaba noma kwesinye sezigodi.” + Kodwa wathi: “Ningawathumi.” 17 Aqhubeka emncenga waze waba namahloni, ngakho wathi: “Wathumeni.” Awathuma amadoda angu-50, amfuna izinsuku ezintathu kodwa awamtholanga. 18 Lapho ebuyela kuye amthola ehleli eJeriko. + Wathi kuwo: “Angishongo yini ukuthi ningahambi?”
19 Ngemva kwesikhathi amadoda akulelo dolobha athi ku-Elisha: “Inkosi yethu iyazibonela ukuthi leli dolobha lisendaweni enhle; + kodwa amanzi anobuthi nezwe libangela ukuchitheka kwezisu.” 20 Wathi: “Ngiletheleni isitsha esincane esisha nifake usawoti kuso.” Ngakho amlethela sona. 21 Ngemva kwalokho waphuma waya emthonjeni wamanzi wafike wathela usawoti kuwo + wathi: “Yilokhu uJehova akushoyo, ‘Sengibukhiphile ubuthi kula manzi. Ngeke esabulala noma abangele ukuchitheka kwezisu.’ ” 22 Lawo manzi awaphindanga aba nobuthi kuze kube namuhla, ngokwezwi lika-Elisha.
23 Wasuka lapho wakhuphukela eBhethele. Njengoba ayehamba ngendlela, abanye abafana abancane baphuma edolobheni bamedelela, + babelokhu bethi kuye: “Yenyuka, mpandla ndini! Yenyuka, mpandla ndini!” 24 Ekugcineni waphenduka, wababheka, wabaqalekisa egameni likaJehova. Kwabe sekuphuma amabhere amabili ensikazi + ehlathini adwengula abafana abangu-42 kubo. + 25 Wasuka lapho, waqhubeka nohambo lwakhe waya eNtabeni iKarmeli, + ukusuka lapho waphindela eSamariya.