IZindaba Ezingokwasezulwini

◆ Sibe nenani eliphakeme labangu-128 427 ababekhona eMihlanganweni Yesigodi engu-20 “Yolimi Oluhlanzekile” eyenziwa eNingizimu Afrika, eBotswana, eLesotho, eMaputo, eNamibia, eSwazini, naseSt. Helena. Leli belingaphezulu ngabangu-12 032 kunangonyaka odlule. Kwabhapathizwa abangu-2835, ukwanda ngabangu-510 kunangonyaka odlule.

◆ Kwaqedwa amaHholo oMbuso amasha ayishumi nesishiyagalombili phakathi no-1990. Sibonga uJehova ngesibusiso sakhe nazo zonke izisebenzi zokuzithandela ngokusekela kwazo. Kusenesidingo esiphuthumayo ezingxenyeni eziningi zensimu lapho abafowethu besahlangana ngaphansi kwezimo ezingagculisi. Lesidingo sizogcwaliswa kanjani ngo-1991? Ngokuthatha izinyathelo ezisheshayo kwamaKomiti Amabandla Okwakha; ngokuqondisa ngokucophelela kwamaKomiti Ezifunda Okwakha angu-22; ngokusekela kwentshiseko kwazo zonke izisebenzi ezinekhono, nangosizo lothando lwazo zonke izisebenzi zokuzithandela. Masiluqhubekisele phambili uhlelo lokwakhiwa kwamaHholo oMbuso!

◆ Kuyakhuthaza ukubona ukuthi naphezu kokuba izindawo ezithile bezingafinyeleleki ngenxa yobudlova, amabandla angu-331 aye ahlanganyela emkhankasweni wensimu engabelwe wango-1990. Abamemezeli abangu-11 873 basebenza amahora angu-121-450 ensimini, bahambisa izincwadi ezingu-10 405, izincwajana ezingu-38 050, omagazini abangu-65 074, futhi bathola izikhokhelo ezingu-290. Nenze kahle, bazalwane nodade!