Ingabe Izikhathi Zemihlangano Yenu Zizoshintsha?
Esimweni lapho amabandla amaningana asebenzisa iHholo LoMbuso elilodwa eye avumelana ukuba ashintshe izikhathi zemihlangano, lokhu kufanele kwenziwe ekuqaleni kuka-January. Ukuzimisela ukubambisana nelungiselelo eliye lamiswa kubonisa uthando ngomunye nomunye nokucabangelana. Ngokuvamile ukushintsha izikhathi zemihlangano kuyozuzisa wena, kwenze kube lula ngawe ukuba khona emihlanganweni.
Ngakolunye uhlangothi, ushintsho olwenziwayo kulonyaka lungase lungavumelani kahle nesimiso sakho sokwenza izinto. Kungase kudingeke ukuba ushintshe isimiso sakho esivamile sansuku zonke okungase kukuphazamise ngandlela-thile. Ukuzimisela komuntu ngamunye ukubambisana kubonisa ukuba nokwazisa ngalo lonke ilungiselelo, okuzuzisa bonke abahilelekile.
Yiqiniso, kungenzeka ukuba ushintsho olulandelayo uluthande kangconywana. Okwamanje, ukhuthazwa ukuba wenze ushintsho lomuntu siqu oludingekayo ukuze ukwazi ukuba khona kuyo yonke imihlangano yamasonto onke ngokwesimiso esinqunywe yibandla. Zama ukuba nombono womhubi uDavide, owathi: “Ngajabula lapho bethi kimi: Masiye endlini kaJehova.”—IHu. 122:1.