Ukubukezwa KweSikole Senkonzo Esingokwasezulwini

Imibuzo elandelayo izocatshangelwa eSikoleni Senkonzo Esingokwasezulwini ngesonto eliqala ngo-December 31, 2012. Kufakwe nosuku okuyoxoxwa ngalo ngephuzu ngalinye ukuze kwenziwe ucwaningo lapho kulungiselelwa isikole isonto ngalinye.

1. Siye sagcwaliseka kanjani isiprofetho esilotshwe kuJoweli 2:1-10, 28 esiphathelene nokuhlasela kwezinambuzane? [Nov. 5, w07 10/1 k. 13 isig. 1]

2. Ugcwaliseka kobani u-Amose 8:11, futhi imuphi umbuzo okufanele sizibuze wona, njengoba siphila phakathi kwenala engokomoya? [Nov. 12, jd kk. 60-61 isig. 9]

3. Yini okungenzeka yenza u-Edomi ukuba abe nenhliziyo eqhoshayo, futhi iliphi iqiniso okungamelwe nanini silikhohlwe? (Obad. 3, 4) [Nov. 19, w07 11/1 k. 14 isig. 1]

4. Kungayiphi indlela uJehova abonisa ukudabuka ngenhlekelele ayethe uzoyiletha kubantu baseNineve? (Jona 3:8, 10) [Nov. 19, w07 11/1 k. 15 isig. 1]

5. Ukuhamba ngegama likaNkulunkulu kungabuqinisa kanjani ubuhlobo bethu naye? (Mika 4:5) [Nov. 26, jd k. 88 isig. 12]

6. Ukugcwaliseka kwesiprofetho esilotshwe kuNahume 2:6-10 kusinikeza siphi isiqinisekiso? [Dec. 3, w07 11/15 k. 9 isig. 2; w88 2/15 k. 28 isig. 7]

7. Asho ukuthini amazwi akuHagayi 1:6, futhi isiphi isifundo okufanele sihlale sisikhumbula? [Dec. 10, w06 4/15 k. 22 izig. 12-15]

8. Singasisebenzisa kanjani iseluleko esiwusizo esitholakala kuZakariya 7:10 esithi “ningacebelani lutho olubi” ezinhliziyweni zenu? [Dec. 17, jd k. 113 isig. 6; w07 12/1 k. 11 isig. 3]

9. Kungani amazwi akuZakariya 4:6, 7 ebaduduza abakhulekeli bakaJehova namuhla? [Dec. 17, w07 12/1 k. 11 isig. 1]

10. Ngokwalokho okulotshwe kuMalaki 3:16, kungani kungafanele sinciphise ukuzimisela kwethu ukugcina ubuqotho kuNkulunkulu? [Dec. 31, w07 12/15 k. 29 isig. 3]