Umbiko Wenkonzo Yasensimini

Siyajabula ukunazisa ukuthi nakuba abafowethu nodadewethu abaningi bebesemaholidini ngo-December, abazange bakudebeselele ukutshela abanye ngoMbuso kaJehova nangenjongo yakhe yokuguqula lo mhlaba ube ipharadesi. (Math. 24:14; IsAm. 21:4, 5) Nakuba engekho amanani amasha afinyelelwe, kuqhutshwe izinkulungwane zezifundo zeBhayibheli, kwenziwa izimpindelo eziningi futhi kwahanjiswa izincwadi eziningi kubantu abanesithakazelo. Esikujabulele ngisho nakakhulu ukuhanjelwa kwegatsha uMfoweth’ uMorris noGriffin futhi siyajabula ukunazisa ukuthi le simiso esikhethekile silalelwe abantu abangaba ngu-160 000 ngo-January 11, 2015. Lokhu kube nethonya elihle kakhulu ekukhuthazeni ubunye kuyo yonke insimu yethu.