Qiniseka Ngokuthi UJehova Unothando Oluqotho

Uyigugu kuJehova. (Isay 43:4) Ukudonsele kuye nasenhlanganweni yakhe. Ngenxa yokuthi uzinikezele futhi wabhapathizwa, ungokaJehova. Uzokunakekela njengempahla yakhe ekhethekile, ngisho nalapho izimo zinzima. Uzokubonisa uthando lwakhe oluqotho ngenhlangano yakhe.​—Hu 25:10.

Ukuhlola lokho inhlangano kaJehova eye yakwenza lapho kuvele khona izinhlekelele kulezi zikhathi, kuzoqinisa indlela esilwazisa ngayo uthando lukaJehova oluqotho.

BUKELANI IVIDIYO ETHI UMBIKO WEKOMITI YABAXHUMANISI KA-2019 BESE NIPHENDULA LE MIBUZO ELANDELAYO:

• 

  IKomiti Yabaxhumanisi iwalungiselele kanjani amahhovisi amagatsha emhlabeni wonke ukuze asize lapho kuvele khona izinhlekelele?

• 

  Inhlangano kaJehova yakhipha ziphi iziqondiso futhi yabasiza kanjani abafowethu ababevelelwe yinhlekelele e-Indonesia naseNigeria?

• 

  Yini oyithandile kulokho okwenziwe inhlangano ukuze ibhekane nobhubhane lwe-COVID-19?