Ingabe Uyazi?

(Izimpendulo zalemibuzo zingatholakala ezikhombweni zeBhayibheli ezinikeziwe, kanti uhlu oluphelele lwezimpendulo lunyatheliswe ekhasini 25. Ukuze uthole ukwaziswa okwengeziwe, bheka incwadi ethi “Insight on the Scriptures,” enyatheliswa i-Watchtower Bible and Tract Society of New York, Inc.)

1. Yini eyavimbela uJesu ekwenzeni imisebenzi yamandla kubantu bendawo yakubo? (Marku 6:5, 6)

2. Yiziphi izitshalo ezimbili ezashiwo uJesu lapho ebhekisela ekukhokheni kwabaFarisi okweshumi ngokucophelela? (Luka 11:42)

3. Yisiphi isilwane esasetshenziswa ngokwesiprofetho ukubonisa indlela uJesu ayeyoma ngayo “ethule” lapho ehlushwa? (Isaya 53:7)

4. Yimuphi umpristi ophakeme owathola isahlulelo esibi ngenxa yokudumisa amadodana akhe ngaphezu kukaJehova? (1 Samuweli 2:27-29)

5. Yini ‘eyakhuzwa’ uJesu kangangokuba yaphuma kumkhwekazi kaSimoni wayeselulama? (Luka 4:38, 39)

6. Ibizwa ngokuthini ingxenye yokuqala yodwendwe? (Eksodusi 14:19, NW)

7. Ifaniswa nani inkathi edlulayo yokuphila komuntu, uma iqhathaniswa nokuhlala njalo ‘kwezwi likaJehova’? (1 Petru 1:24, 25)

8. Ama-Israyeli adla imana okokuqala ngqá futhi kwamiswa umthetho weSabatha kusiphi isifundazwe esiyihlane? (Eksodusi 16:1, 13-31)

9. Yiziphi ezinye izinto izithombe ezingenakuzenza? (IHubo 115:5-7)

10. Ngenxa yokuthi behluleka ukungcwelisa nokudumisa uNkulunkulu emanzini aseMeriba, obani abenqatshelwa ukungena eZweni Lesithembiso? (Numeri 20:12)

11. Iyiphi ingxenye yomzimba esetshenziswa ngokomfanekiso ukumelela ikhono lokusebenzisa amandla? (Isaya 51:9, NW)

12. Ebonisa ukuphakama kobupristi bukaKristu, yini uPawulu athi uLevi wayikhokha ngesikhathi esesokhalweni luka-Abrahama? (Heberu 7:9, 10)

13. Yimaphi amazwi asetshenziswe eBhayibhelini abonisa ukuthi inkosi yakwa-Israyeli yayimelela ukubusa kukaJehova okungokwasezulwini? (1 IziKronike 29:23)

14. Sasifana nani isidalwa ngasinye esiphilayo kwezine embonweni kaJohane? (IsAmbulo 4:7)

15. Yini eyayizoba khona emhlabeni ngemva kokuba uDeveli esexoshiwe ezulwini? (IsAmbulo 12:12)

16. IZwe Lesithembiso lahlukaniswa ngani phakathi kwezizwe ezingu-12? (Numeri 26:55, 56)

17. Iyiphi inyoni enamehlo abheke phambili, okuyenza ikwazi ukubona into ngawo womabili kanyekanye? (IHubo 102:6)

18. Yini uThimothewu ayezoyenza ibonakale kwabanye ngokuqhubeka ekhandlekela izinto ezingokomoya? (1 Thimothewu 4:15)

19. UDaniyeli wayenasiphi isikhundla kuhulumeni waseBabiloni? (Daniyeli 2:48)

20. Yini u-Adamu no-Eva abayithunga ukuze benze okokugqoka? (Genesise 3:7)

21. Lapho egcizelela iphuzu lakhe lokungalusebenzisi kabi ulimi, uJakobe wathi yini isihlahla somkhiwane esingenakuyikhiqiza? (Jakobe 3:12)

22. Abantu abagulayo kwakudingeka bathinte yiphi ingxenye yesembatho sikaJesu kuphela ukuze balulame ngokuphelele? (Mathewu 14:36)

23. Izindikimba zasezulwini zaziyosebenza njengezibonakaliso zani? (Genesise 1:14)

24. Obani ikakhulukazi okwakufanele baphawulwe ngokuphila kwabo okulinganiselayo, okunenhlonipho nemisebenzi emihle? (Thithu 2:2, 3)

25. U-Isaya wathi abantu babeyothethelelwani, ukuze ‘abakhé khona bangabe besasho ukuthi: Ngiyagula’? (Isaya 33:24)

26. Nakuba umbhalo awucaphuna, iHubo 140:3, uyibiza ngokuthi ‘ibululu,’ yiliphi igama elivamile lalenyoka enesihlungu uPawulu alisebenzisa? (Roma 3:13)

27. Yiluphi uhlamvu lwesithupha ohlwini lwezinhlamvu zesiHeberu?

28. Yiliphi igama elisetshenziselwa ukuhlukanisa umuntu ongeyena umJuda? (Roma 2:9, 10; bheka i-King James Version.)

29. Yini igama lechweba lase-Italy lapho uPawulu achitha khona isonto enabafowabo abangamaKristu ngesikhathi eyovela phambi kukaKesari? (IzEnzo 28:13, 14)

30. UPawulu useluleka ukuba sigcine amehlo ethu kuziphi izinto ezimi phakade? (2 Korinte 4:18)

31. Yini amaKristu okungafanele azenzele yona, njengoba iyokwenziwa uJehova? (Roma 12:19)

32. Lapho egcizelela imbubhiso yaseGehena, uJesu wathi yini engafi lapho? (Marku 9:48)

Izimpendulo Zemibuzo

1. Ukuntula kwabo ukholo

2. Iminti, iruwe

3. Imvu

4. U-Eli

5. Imfiva

6. Ikhala

7. Utshani obubunayo

8. Ihlane laseSini

9. Ukukhuluma, ukubona, ukuzwa, ukuhogela, ukuthinta, ukuhamba

10. UMose no-Aroni

11. Ingalo

12. Okweshumi

13. ‘Ukuhlala esihlalweni sobukhosi sikaJehova’

14. Ingonyama, inkunzi, umuntu, ukhozi

15. Umayé

16. Ngenkatho

17. Isikhova

18. Intuthuko yakhe

19. Umholi wababusi

20. Amaqabunga omkhiwane

21. Iminqumo

22. Insephe

23. Izinkathi, izinsuku, iminyaka

24. Amadoda nabesifazane asebebadala

25. Ububi babo

26. Imfezi

27. U-waw

28. OweZizwe

29. IPhutheyoli

30. “Izinto ezingabonwayo”

31. Ukuziphindiselela

32. “Impethu yabo”