Incwadi Yasendulo Esewusizo Nanamuhla
Abantu abaningi bayalihlonipha iBhayibheli njengeliyincwadi engcwele. Nokho, iBhayibheli lingaphezu nje kokuba incwadi engcwele esitshela indlela okufanele simkhonze ngayo uNkulunkulu. Linezeluleko eziwusizo ekuphileni kwansuku zonke.
Ngokwesibonelo, cabanga ngalokho abantu abakushoyo ngendlela iBhayibheli elibasize ngayo ekuphileni kwabo, lapho belifunda futhi besebenzisa nezeluleko zalo.
“Ukuphila kwami sekungcono kakhulu manje. Indlela engicabanga nengizizwa ngayo isiye yathuthuka. Ngizizwa ngijabule nakakhulu.”—UFiona
“Ngokutadisha iBhayibheli ngiye ngathola injongo yokuphila kwangempela.”—UGnitko
“Impilo yami isishintshe ngendlela eyisimanga. Manje ngisebenza isikhathi esincane bese ngichitha isikhathi esiningi nomndeni wami.”—U-Andrew
Ziningi izibonelo ezinjengalezi. Abantu abaningi emhlabeni wonke bathole ukuthi iBhayibheli linezeluleko eziningi ezisewuziso nanamuhla.
Ake sihlole ukuthi iBhayibheli lingakusiza kanjani uthuthukise . . .
Indlela yokunakekela impilo yakho
Indlela yokunakekela imizwelo yakho
Ukuphila komndeni nabangane
Indlela yokuphatha imali
Ubuhlobo bakho noNkulunkulu
Izihloko ezilandelayo zizokubonisa ukuthi iBhayibheli liyincwadi evela kuNkulunkulu engakusiza ngezindlela ezingokoqobo ekuphileni kwansuku zonke.