INgoma 72

Injabulo Nezithelo Zenkonzo YoMbuso

(Mathewu 5:12)

1. Enkonzweni yeNkos’ uJehova,

Sithol’ injabulo enkulu,

Ngoba s’shumayel’ indab’ ezinhle

Ez’duduza bonke abantu (abantu).

Kunjengob’ uJesu asitshela:

Kubusisekile ukupha.

Yini eny’ engcono esinayo

Ngaphandle kweqiniso lokuphila?

2. Noma s’shumayel’ endlini ngendlu,

S’hlangana nabahlek’ usulu,

Ngesibindi siyazimisela,

Sigcina ubuqotho bethu (buqotho).

Uma sishushiswa kabuhlungu

Ngokudumisa uJehova,

Sinenjabulo siyangqabitha,

Ngoba nabaphostoli bahlupheka.

3. Yek’ injabulo esenkonzweni.

Njengoba sihamba noJesu;

Shumayela ngosuku lweNkosi,

Udumise uNkulunkulu (uBaba)!

Sinethemba kwabafun’ uk’bona

Izwe elingenab’ ububi.

Lokhu kusinika injabulo

Nal’ ithemba lokuphil’ ok’ngapheli.