Indlunkulu Yomhlaba Wonke Namahhovisi Ayinhloko OFakazi BakaJehova—Ngemifanekiso
INDLUNKULU YOMHLABA WONKE YOFAKZI BAKAJEHOVA
[Isithombe ekhasini 352, 353]
Umsebenzi wembulunga yonke woFakazi BakaJehova uye waqondiswa eBrooklyn, eNew York, e-U.S.A., kusukela ngo-1909. Lezizakhiwo ziye zaba amahhovisi endlunkulu kusukela ngo-1980
[Isithombe ekhasini 352]
I-Watchtower Educational Center, ePatterson, eNew York (ibisaqhubeka yakhiwa ngo-1992)
[Izithombe ekhasini 353]
Ezinye zezakhiwo zokuhlala zezinkulungwane ezikhonza endlunkulu yomhlaba wonke
[Izithombe ekhasini 354]
Izindawo ezazingamahhotela eBrooklyn ezalungiswa ukuze zihlalise ezinye izisebenzi zokuzithandela ezingu-1 476
[Izithombe ekhasini 354]
Izindawo zokuhlala zomkhaya waseBethel eWallkill, eNew York
[Izithombe ekhasini 354, 355]
Kulezizakhiwo zefektri (eBrooklyn, eNew York), kunyatheliswa amaBhayibheli, izincwadi, nezincwajana ezingangomagazini ngezilimi ezingu-180 ukuze zisakazwe embulungeni yonke
[Izithombe ekhasini 356]
Izigidi zamakhasethi anokwaziswa okuseBhayibhelini ziqoshwa kulefektri eBrooklyn unyaka ngamunye. Lapha, kuqondiswa nokuthunyelwa kwezincwadi. Ngonyaka kuthunyelwa amathani angaphezu kuka-15 000 ezincwadi zeBhayibheli nezinye izinto kuzo zonke izingxenye zomhlaba
[Izithombe ekhasini 356]
Kulefektri ese-Watchtower Farms, ngaseWallkill, eNew York, unyaka ngamunye kunyatheliswa amakhulu ezigidi e-“Nqabayokulinda” ne-“Phaphama!,” ngezilimi ezingu-14
OFakazi BakaJehova, nezinhlangano ezingokomthetho abazisebenzisayo, banamahhovisi nezindawo zokunyathelisa ezingxenyeni eziningi zomhlaba. Imifanekiso esemakhasini alandelayo ibonisa eziningi, nakuba kungezona zonke, zalezizakhiwo. Lapho bekwakhiwa khona izakhiwo ezintsha ngo-1992, kuboniswe imifanekiso edwetshwe ngokombono wabaklami. Imininingwane enikeziwe eyango-1992.
INYAKATHO MELIKA NEWEST INDIES
E-ALASKA
[Isithombe ekhasini 357]
Izivakashi ezize ehhovisi legatsha leNhlangano zamukelwa ngokufudu-mele. Lapha e-Alaska, njengakwezinye izindawo, oFakazi BakaJehova bashumayela endlini ngendlu, nakuba amazinga okushisa ngezinye izikhathi ehla aze afike ku-50° C. ngaphansi kwezingaqhwa.
[Isithombe ekhasini 357]
Indiza esetshenziselwa ukuyisa abamemezeli boMbuso ezingxenyeni ezikude zensimu
EBAHAMAS
[Isithombe ekhasini 357]
Izincwadi ze-Watch Tower zafinyelela eBahamas ngo-1901. Ukufakaza kwasikhathi sonke kwenziwa ngokokuqala ngqá lapha ngo-1926. Kusukela ngalesosikhathi izincwadi zeBhayibheli ezingaphezu kuka-4 600 000 ziye zasakazwa eziqhingini manje esezingaphansi kokuqondisa kwalelihhovisi.
EBARBADOS
[Izithombe ekhasini 358]
Amaqembu enkolo angaphezu kwangu-140 eBarbados athi angawobuKristu. Kusukela ngo-1905, oFakazi BakaJehova bebelokhu besiza abantu balapha ukuba bazibonele ngokwabo lokho iBhayibheli elikushoyo.
EBELIZE
[Izithombe ekhasini 358]
Cishe ingxenye yabantu baseBelize ihlala ezindaweni ezisemaphandleni. Ukuze bafinyelele imizana ethile emaphakathi, minyaka yonke oFakazi BakaJehova baya khona ngezinyawo bethwele izikhwama ezigaxwa emahlombe neziphathwayo.
ECOSTA RICA
[Isithombe ekhasini 358]
INhlangano yakha ihhovisi legatsha lokuqala eCosta Rica ngo-1944. Kusukela ngawo-1950, abantu baseCosta Rica abahlanganyela ekukhulekeleni kweqiniso babalelwa ezinkulungwaneni.
EDOMINICAN REPUBLIC
[Izithombe ekhasini 359]
Izincwadi ze-Watch Tower zasakazwa lapha emuva ngo-1932. Kodwa ukufundiswa okuqondile kwabantu abathakazelayo kwaqala ngo-1945, lapho kufika izithunywa zevangeli eziboniswe kwesobunxele. Eminyakeni yamuva, lapho amashumi ezinkulungwane abantu ekukhuthalela ukutadisha iBhayibheli noFakazi, kwadingeka lezizakhiwo zegatsha.
E-EL SALVADOR
[Izithombe ekhasini 359]
Kwafakazwa lapha ngo-1916. Nokho, kwakungoko-kuqala ngqá ngo-1945 ukuba okungenani umuntu oyedwa e-El Salvador alungele ukucwiliswa kobuKristu emanzini, (okuboniswe lapha). Kusukela ngalesosikhathi, izinkulungwane ezengeziwe ziye zaba izinceku zikaJehova.
EGUADELOUPE
[Izithombe ekhasini 359]
Ensimini ekhonzwa yilelihhovisi legatsha isilinganiso sabantu abamemezeli okumelwe bashumayele kubo singesinye sezingcono kakhulu emhlabeni wonke. Abantu abaningi eGuadeloupe bazamukela ngokwazisa izindaba ezinhle.
ECANADA
[Isithombe ekhasini 360, 361]
Ihhovisi leNhlangano eCanada liqondisa ukushunyayelwa kwezindaba ezinhle ezweni elingelesibili kwamakhulu ukwedlula wonke emhlabeni. Abamemezeli boMbuso abangaphezu kuka-100 000 bamatasa kulelizwe.
Isakhiwo sokuqondisa umsebenzi (isithombe esidlulela ekhasini elilandelayo sesakhiwo segatsha samanje)
[Isithombe ekhasini 360]
Amasimu AseNyakatho-ntshonalanga
[Isithombe ekhasini 360]
Izindawo zokugawula imithi eBritish Columbia
[Isithombe ekhasini 360]
Amapulazi ezinkomo ase-Alberta
[Isithombe ekhasini 361]
IFrench Quebec
[Isithombe ekhasini 361]
Izifundazwe zaseMaritime
EGUATEMALA
[Izithombe ekhasini 360]
Nakuba isiPanishi kuyilona ulimi olukhulunywayo eGuatemala, kukhulunywa izinhlobonhlobo zezilimi zamaNdiya eziyinkimbinkimbi lapha. Ihhovisi leNhlangano lizama ukuqikelela ukuba wonke umuntu athole ithuba lokuzwa ngoMbuso kaNkulunkulu.
EHAITI
[Izithombe ekhasini 361]
Ukukhonza uJehova kubalethela injabulo oFakazi BakaJehova eHaiti, naphezu kwezimo ezibazungezile ezivame ukuba nzima.
EHONDURAS
[Izithombe ekhasini 362]
Kusukela ngo-1916, amahora angaphezu kwangu-23 000 000 aye anikelwa ukuze bafundiswe iBhayibheli abantu abahlala kulelizwe. Ngezinye izikhathi, oFakazi BakaJehova kuye kwadingeka bafundise nabantu ukuzifundela nokubhala (njengoba ubona lapha) ukuze bakwazi ukuzitadishela iZwi likaNkulunkulu.
EJAMAICA
[Izithombe ekhasini 362]
Abaningi eJamaica baba izinceku zikaJehova ezizinikele phakathi nesikhathi okwakusa-buthwa ngaso ababezoba izindlalifa zoMbuso wasezulwini. Kusukela ngo-1935, ezinye izinkulungwane ziye zahlanganyela ekushumayeleni isigijimi soMbuso. Lelihhovisi legatsha liyakhiwa ukuze lisize ekunakekeleni izidingo zabo ezingokomoya.
ELEEWARD ISLANDS (ANTIGUA)
[Isithombe ekhasini 362]
Emuva ngo-1914, izindaba ezinhle zazishunyayelwa eziqhingini manje ezinakekelwa yilelihhovisi. Ngokuphindaphindiwe kusukela ngalesosikhathi, abantu kulengxenye yomhlaba baye bamenywa ukuze ‘bathabathe amanzi okuphila ngesihle.’—IsAm. 22:17.
EMEXICO
[Isithombe ekhasini 363]
Isikhungo esisha semfundo yeBhayibheli sakhiwa oFakazi BakaJehova eMexico
[Isithombe ekhasini 363]
Ihhovisi elalisetshenziswa ngo-1992
[Izithombe ekhasini 363]
Izincwadi zeBhayibheli ezinyatheliswa lapha zisetshenziswa oFakazi abashisekayo abangaphezu kuka-410 000 abaseMexico nasemazweni aseduze azungezile anabantu abakhuluma isiPanishi
[Isithombe ekhasini 363]
Kusukela ngo-1986 kuya ku-1992, amaphesenti angaphezu kwayishumi ezifundo zeBhayibheli zasekhaya eziqhutshwa oFakazi emhlabeni wonke ayeseMexico, eziningi zazo ziqhutshelwa amaqembu emikhaya
[Igrafu ekhasini 363]
(Ukuze ubone ukuthi indaba ihlelwe kanjani, bheka encwadini)
Izifundo zeBhayibheli eMexico
250 000
500 000
1950 1960 1970 1980 1992
EMARTINIQUE
[Izithombe ekhasini 364]
Imbewu yeqiniso yatshalwa lapha emuva ngo-1946. Kodwa lapho uXavier noSara Noll (ababoniswe lapha) befika bevela eFrance ngo-1954, bakwazi ukuhlala futhi bahlakulela isitha-kazelo esasitholiwe. Ngo-1992, abantu abangaphezu kwabangu-3 200 babehlanganyela nabo ekumemezeleni isigijimi soMbuso.
ENETHERLANDS ANTILLES (CURAÇAO)
[Izithombe ekhasini 364]
Izithunywa zevangeli ezingamashumi amabili nantathu ziye zakhonza ensimini yaleli-hhovisi legatsha. Ababili beqembu lokuqala (eliboniswe lapha) abafika ngo-1946 babesalokhu bekulomsebenzi ngo-1992.
ENICARAGUA
[Isithombe ekhasini 364]
Kusukela ngo-1945, lapho kufika izithunywa zevangeli, oFakazi BakaJehova eNicaragua baqala ukwanda. Ngo-1992 babengaphezu kuka-9 700. Abantu abafuna oFakazi babafundise iBhayibheli manje babadlula kude ngenani oFakazi bendawo.
EPANAMA
[Izithombe ekhasini 365]
Kusukela ekupheleni kwekhulu le-19, abantu basePanama bebelokhu bethola usizo ekufundeni izimfuneko zikaNkulunkulu zokuphila okuphakade.
EPUERTO RICO
[Izithombe ekhasini 365]
Kusukela ngo-1930, izincwadi zeBhayibheli ezingaphezu kwezingu-83 000 000 ziye zasakazwa ePuerto Rico, futhi kwenziwa izimpindelo ezingu-25 000 000 ukuze abantu abathakazelayo banikezwe usizo olwengeziwe. Umsebenzi wokuhumusha owenziwa lapha uyasiza ekwenzeni izincwadi zeBhayibheli zitholakale kubantu abangaba ngu-350 000 000 emhlabeni wonke abakhuluma isiPanishi.
ETRINIDAD
[Izithombe ekhasini 365]
Izindaba ezinhle kakade zase zimenyezelwa kakhulu eTrinidad emuva ngo-1912. OFakazi abaningi, kuhlanganise nalaba abathathu abaqeqeshwa eSikoleni SaseGileyadi, baye banikela ngaso sonke isikhathi sabo kulomsebenzi.
ININGIZIMU MELIKA
E-ARGENTINA
[Izithombe ekhasini 366]
Ummemezeli woMbuso wathunyelwa ngokokuqala ngqá kulelizwe ngo-1924. Usizo olukhulu kamuva lwanikezwa yizithunywa zevangeli eziqeqeshwe eGileyadi, kuhlanganise noCharles Eisenhower (oboniswe lapha), owafika nomkakhe ngo-1948. Ngo-1992, konke ukuqondisa, kanye nezincwadi zeBhayibheli, kwakulungiselelwa lapha kulezizakhiwo kwenzelwa oFakazi BakaJehova abangaphezu kuka-96 000 e-Argentina. Izincwadi zazithunyelwa futhi zisuka lapha ukuze zisetshenziswe oFakazi abangaphezu kuka-44 000 eChile.
EBOLIVIA
[Izithombe ekhasini 367]
Abantu baseBolivia bebelokhu bezwa isigijimi soMbuso kusukela ngo-1924. Izinkulungwane zamukela izincwadi zeBhayibheli ngokwazisa futhi ziyazuza ezifundweni zeBhayibheli zasekhaya zasikhathi sonke.
ECHILE
[Izithombe ekhasini 367]
Ngo-1919, izincwadi ze-Watch Tower zase zifinyelele eChile. Ukushumayela okuqondiswa yilelihhovisi manje kuqala emapulazini ezimvu apheshulwe umoya aseningizimu kuyofika ezindaweni zezimayini enyakatho, kusukela eZintabeni i-Andes kuya olwandle.
E-ECUADOR
[Izithombe ekhasini 367]
Ingxenye enkulu ekushumayeleni izindaba ezinhle e-Ecuador yafezwa oFakazi abangaphezu kuka-870 (njengalaba ababili ababoniswe lapha) abashiya amazwe akubo endabuko ukuze bayokhonza lapho indingeko yayinkulu khona. Manje leligatsha linikeza usizo kubadumisi bakaJehova abashisekayo abangaphezu kuka-22 000.
EBRAZIL
[Izithombe ekhasini 368, 369]
Ngo-1992, lapho kukhuliswa ihhovisi legatsha leNhlangano, indawo yokunyathelisa, neKhaya LaseBethel kuba ngaka, oFakazi BakaJehova eBrazil babengaphezu kuka-335 000 futhi bebhapathiza abafundi abangaphezu kuka-27 000 unyaka ngamunye. Indawo yokunyathelisa lapha ilungiselela nezincwadi zokusakazwa eBolivia, eParaguay, nase-Uruguay.
[Izithombe ekhasini 369]
Izinkundla ezimbili ezinkulu ezasetshenziselwa umhlangano wezizwe zonke woFakazi BakaJehova eSão Paulo ngo-1990; kwahlelwa neminye imihlangano emikhulu engaphezu kwekhulu
[Igrafu ekhasini 369]
(Ukuze ubone ukuthi indaba ihlelwe kanjani, bheka encwadini)
Abamemezeli BoMbuso EBrazil
300 000
200 000
100 000
1950 1960 1970 1980 1992
EGUYANA
[Izithombe ekhasini 368]
INhlangano iye yaba nehhovisi legatsha eGuyana kusukela ngo-1914. OFakazi baye bafinyelela ezindaweni ezimaphakathi nezwe futhi bazama ukunikeza wonke umuntu ithuba lokuzwa izindaba ezinhle. Nakuba inani labantu bakulelizwe namanje lingaphansi kwesigidi, oFakazi baye banikela ngamahora angaphezu kuka-10 000 000 ekushumayeleni nasekufundiseni kulelizwe.
EPARAGUAY
[Izithombe ekhasini 369]
Ukushumayela izindaba ezinhle kwase kuqalile eParaguay phakathi nawo-1920. Kusukela ngo-1946, izithunywa zevangeli ezingu-112 eziqeqeshwe eGileyadi ziye zasiza ekunikezeni ubufakazi. Ukuze bafinyelele amaqembu ezinye ezilimi ngaphandle kwesiPanishi nesiGuarani, abanye oFakazi baye bathuthela lapho ngokuzithandela besuka emazweni ahlukahlukene.
AbaseJalimane
AbaseKorea
AbaseJapane
ECOLOMBIA
[Ibalazwe/Izithombe ekhasini 370, 371]
Emuva ngo-1915, incwadi ye-Watch Tower yathunyelelwa umuntu othakazelayo eColombia. Ngo-1992, izincwadi zeBhayibheli ezazinyatheliswa kulezizakhiwo zazithunyelwa ukuze kunakekelwe izidingo zabashumayeli bevangeli abangaphezu kuka-184 000 eColombia, e-Ecuador, ePanama, ePeru, naseVenezuela.
[Ibalazwe]
(Ukuze ubone ukuthi indaba ihlelwe kanjani, bheka encwadini)
COLUMBIA
PERU
ECUADOR
PANAMA
VENEZUELA
EPERU
[Isithombe ekhasini 370]
Izincwadi zeBhayibheli zasakazwa ePeru ngumFundi weBhayibheli owayevakashile emuva ngo-1924. Ibandla lokuqala lakhiwa lapha eminyakeni engu-21 kamuva. Manje ePeru kunabamemezeli boMbuso kaNkulunkulu abakhuthele abangaphezu kuka-43 000.
[Isithombe ekhasini 370]
Amaphayona ashumayela phezulu e-Andes
ESURINAME
[Izithombe ekhasini 371]
Cishe ngo-1903 kwakhiwa iqembu lokuqala elalitadisha lapha. Namuhla lezizakhiwo zegatsha ziyadingeka ukuze kuqondiswe amabandla ezweni lonke—ezindaweni ezingakaphucuki, ezifundeni, nasedolobheni.
E-URUGUAY
[Izithombe ekhasini 372]
Kusukela ngo-1945, izithunywa zevangeli ezingaphezu kuka-80 ziye zaba nengxenye ekumemezeleni uMbuso e-Uruguay. Lezi eziboniswe lapha bezilokhu zikhonza e-Uruguay kusukela ngawo-1950. Ngo-1992, oFakazi bendawo abangaphezu kuka-8 600 babekhonza kanye nazo.
EVENEZUELA
[Isithombe ekhasini 372]
Izincwadi ze-Watch Tower zasakazwa eVenezuela phakathi nawo-1920. Eminyakeni eyishumi kamuva iqembu lamaphayona elalakhiwa umama nendodakazi yakhe ababevela e-United States laqala inkathi yokushumayela ngentshiseko lapha, lihlanganisa inhloko-dolobha liphindelela, lithatha nohambo liya emadolobheni ezweni lonke. Manje kunoFakazi abakhuthele abangaphezu kuka-60 000 eVenezuela.
[Isithombe ekhasini 372]
Inkundla yomdlalo wokulwa nezinkunzi eValencia inesixuku sabangu-74 600 ababeze emhlanganweni okhethekile ngo-1988
IYUROPHU NEMEDITERRANEAN
E-AUSTRIA
[Isithombe ekhasini 373]
Emuva ngawo-1890, abantu abathile e-Austria babenikezwa ithuba lokuzuza ezindabeni ezinhle. Kusukela ngawo-1920, kuye kwaba nokwanda okusesilinganisweni kodwa okuqhubeka njalo kwamanani abadumisi bakaJehova kulelizwe.
[Isithombe ekhasini 373]
Amabandla angaphezu kuka-270 ahlangana emaHholo OMbuso kulo lonke elase-Austria
EBELGIUM
[Izithombe ekhasini 373]
IBelgium iye yaba ngenye yezindawo ezinezizinda zempucuko ezihlukahlukene emhlabeni. Ukuze linakekele izinhlobonhlobo zabantu abatholakala lapha, leligatsha lisakaza izincwadi zeBhayibheli ngezilimi ezingaphezu kwekhulu.
EBRITHANI
[Izithombe ekhasini 374]
Umsebenzi woFakazi BakaJehova abangaphezu kuka-125 000 eBrithani uqondiswa kulelihhovisi legatsha. OFakazi baseBrithani baye bamukela nezabelo zokusakaza isigijimi soMbuso kwamanye amazwe aseYurophu nase-Afrika, eNingizimu Melika, e-Australia, eMpumalanga, naseziqhingini zolwandle.
I-IBSA House
IWatch Tower House
[Izithombe ekhasini 374]
Izincwadi zeBhayibheli zinyatheliswa lapha ngesiNgisi, isiMalta, isiGujarati, nesiSwahili
[Isithombe ekhasini 374]
UMnyango Wenkonzo unakekela amabandla angaphezu kuka-1 300 eBrithani
[Izithombe ekhasini 374]
Izincwadi zithunyelwa kuzo zonke izingxenye zeNgilandi, eScotland, eWales, e-Ireland, naseMalta, nasezindaweni ezise-Afrika naseCaribbean
EFRANCE
[Izithombe ekhasini 375]
Ukuhunyushwa nokuhlelwa kwazo zonke izincwadi ze-Watch Tower ezinyatheliswa emhlabeni wonke zabantu abakhuluma isiFulentshi kwenziwa egatsheni laseFrance. (Abantu abangaphezu kuka-120 000 000 bakhuluma isiFulentshi.) Izincwadi zinyatheliswa njalo lapha ngezilimi ezihlukahlukene bese zithunyelwa emazweni aseYurophu, e-Afrika, eMpumalanga Ephakathi, Olwandlekazini i-Indian, nasoLwandlekazini iPacific.
Indawo yokunyathelisa nehhovisi eLouviers
Ukuhumusha
I-“photocomposition”
[Isithombe ekhasini 375]
Ihhovisi nendawo yokuhlala eBoulogne-Billancourt
[Isithombe ekhasini 375]
Indawo yokuhlalisa umkhaya waseBethel e-Incarville
EJALIMANE
[Isithombe ekhasini 376, 377]
Naphezu kwemizamo yonya yokubaqeda eJalimane phakathi nenkathi yamaNazi, oFakazi BakaJehova abazange balulahle ukholo lwabo. Kusukela ngo-1946, baye banikela ngamahora angaphezu kuka-646 000 000 ekusakazeni iqiniso leBhayibheli kulo lonke izwe.
Izakhiwo ezikhulisiwe eSelters/Taunus
[Isithombe ekhasini 376]
Ngaphezu kokuhumushela izincwadi zeBhayibheli esiJalimaneni, leligatsha eSelters/Taunus linyathelisa ngezilimi ezingaphezu kuka-40
[Isithombe ekhasini 377]
Izincwadi eziningi ezinyatheliswa lapha ngokuvamile zithunyelwa emazweni angaphezu kuka-20; omagazini banyatheliswa ngezilimi eziningi bese bethunyelwa emazweni angaphezu kuka-30
[Isithombe ekhasini 377]
Amaloli eNhlangano asetshenziselwa ukuthumela izincwadi kulo lonke elaseJalimane
ECYPRUS
[Isithombe ekhasini 376]
Ngokushesha ngemva kokufa kukaJesu Kristu, izindaba ezinhle zazishunyayelwa kubantu eKhupro. (IzE. 4:32-37; 11:19; 13:1-12) Ezikhathini zanamuhla, lokho kushumayela kuye kwavuselelwa, futhi ubufakazi obugcwele buyaqhubeka bunikezwa ngaphansi kokuqondisa kwalelihhovisi legatsha.
EDENMARK
[Izithombe ekhasini 377]
Kusukela ngawo-1890, kuye kwafakazwa kakhulu eDenmark. Ukunyatheliswa kwezincwadi zeBhayibheli kuye kwenziwa lapha hhayi ngesiDanish kuphela kodwa nangesiFaeroese, isiGreenland, nesi-Iceland.
Ukubukwa ngaphezulu kwegatsha (indawo yokungena iboniswe esithombeni esincane)
E-ITALY
[Izithombe ekhasini 378, 379]
Izincwadi zeBhayibheli zesiNtaliyane zihunyushwa futhi zinyatheliswe lapha. Leligatsha linyathelisa futhi lihlanganise ngokuyinhloko izincwadi ezizosetshenziswa e-Italy, nasemazweni aseduze.
Izinhlangothi ezihlukahlukene zezakhiwo zegatsha elingaseRome
[Isithombe ekhasini 379]
Amashumi ezinkulungwane, lapho ebona lokho iBhayibheli elikushoyo ngempela, aye aqala ukuhlangana noFakazi BakaJehova
[Isithombe ekhasini 379]
Lapho bebhekene nenzondo yasikhathi sonke yeSonto LamaRoma Katolika, oFakazi BakaJehova e-Italy baye banikela ngamahora angaphezu kuka-550 000 000 kusukela ngo-1946 bebahambela ngokuqondile omakhelwane babo ukuze bakhulume nabo ngeBhayibheli. Ngenxa yalokho, abantu abangu-194 000 e-Italy manje bangabakhulekeli bakaJehova abashisekayo
EFINLAND
[Isithombe ekhasini 378]
Iqiniso leBhayibheli lafinyelela eFinland lisuka eSweden ngo-1906. Kusukela ngalesosikhathi, liye ladluliselwa kuwo wonke amagumbi alelizwe, ngisho nangenhla kwe-Arctic Circle. Abaningi abavela lapha baye baya eSikoleni SaseGileyadi ukuze baqeqeshelwe ukuba bakhonze nomaphi lapho bedingeka khona ensimini yomhlaba. Abanye baye bazithuthela bayokhonza emazweni lapho indingeko inkulu khona.
E-ICELAND
[Isithombe ekhasini 379]
E-Iceland, enabantu abacishe babe ngu-260 000 kuphela, kuye kwasakazwa izincwadi zeBhayibheli ezingaphezu kuka-1 620 000 ukuze kusizwe abantu bakhethe ukuphila. Manje kunabangaphezu kuka-260 lapha abakhonza uJehova, uNkulunkulu weqiniso.
[Isithombe ekhasini 379]
UGeorg Lindal, owaphayona lapha kusukela ngo-1929 kuya ku-1953; phakathi nengxenye enkulu yalesosikhathi kwakunguye yedwa uFakazi kulelizwe
EGREECE
[Isithombe ekhasini 380]
Umphostoli uPawulu wayengomunye wabokuqala ukume-mezela izindaba ezinhle eGreece. (IzE. 16:9-14; 17:15; 18:1; 20:2) Nakuba iSonto lobu-Orthodox lamaGreki liye labashushisa kanzima iminyaka eminingi oFakazi BakaJehova, manje kunezinceku zikaJehova ezithembekile ezinga-phezu kuka-24 000 kulelizwe. Igatsha eliboniswe lapha lingamakhilomitha acishe abe ngu-64 eNyakatho ye-Athens.
[Isithombe ekhasini 380]
Ukufakaza e-Athens
[Isithombe ekhasini 380]
Umfanekiso owathathwa ngo-1990 phakathi nokumasha okwakuholwa abefundisi okwakwenziwa ngokumelene noFakazi
E-IRELAND
[Isithombe ekhasini 380]
Ukusabela esigijimini seBhayibheli kwakuza kancane eminyakeni eminingi e-Ireland. Babebhekana nokuphikisa okukhulu kwabefundisi. Kodwa ngemva kweminyaka eyikhulu yokufakaza ngokuphikelela, manje kunesivuno esikhulu esingokomoya.
Ihhovisi legatsha eDublin
[Isithombe ekhasini 380]
Amaphayona angomakad’ ebona enkonzweni yasensimini
EPOLAND
[Isithombe ekhasini 381]
Lezizakhiwo zisetshenziselwa ukunikeza usizo koFakazi abangaphezu kuka-100 000 ePoland. Kusukela ngo-1939 kuya ku-1945, ukukhulekela kwabo kwakuvinjelwe, kodwa inani labo landa lisuka ku-1 039 ngo-1939 laya ku-6 994 ngo-1946. Lapho bephinda bevinjelwa ngo-1950, babengu-18 116; kodwa ngokushesha ngemva kokuba ukuvinjelwa kususiwe ngo-1989, imibiko yabonisa ukuthi kwakunabangaphezu kuka-91 000.
[Izithombe ekhasini 381]
Iminyaka eminingi babeqhuba imihlangano emincane emahlathini; manje imihlangano yabo igcwalisa izinkundla ezinkulu kunazo zonke ezweni—futhi izinkundla ezingaphezu kweyodwa ngesikhathi
EPoznan (ngo-1985)
ELUXEMBOURG
[Isithombe ekhasini 382]
ILuxembourg ingelinye lamazwe amancane kakhulu eYurophu. Kodwa eminyakeni ecishe ibe ngu-70, isigijimi soMbuso siye sashunyayelwa nalapha. Ikakhulukazi ngaphambi kweMpi Yezwe II, kwasiza oFakazi ababefike bevela eFrance, eJalimane, naseSwitzerland.
ENETHERLANDS
[Izithombe ekhasini 382]
Kulelihhovisi legatsha e-Emmen, kuqondiswa umsebebenzi woFakazi abashisekayo abangaphezu kuka-32 000 eNetherlands. Ukuhunyushelwa kwazo zonke izincwadi olimini lwesiDashi kwenziwa kulezizakhiwo. Ukuqoshwa kwamaningi amakhasethi e-“video” asekelwe eBhayibhelini ngezilimi zaseYurophu nakho kusingathwa lapha.
ENORWAY
[Izithombe ekhasini 383]
Eminyakeni eyikhulu edlule, umuntu waseNorway owayethuthele eMelika wabe esefunda amaqiniso eBhayibheli elapho wabuyela ezweni lakubo nezindaba ezinhle. Kusukela ngalesosikhathi, oFakazi BakaJehova baye bavakashela zonke izingxenye zeNorway bephindelela ukuze bakhulume nabantu ngoMbuso kaNkulunkulu.
EPORTUGAL
[Isithombe ekhasini 383]
Emashumini eminyaka ngemva kokuba uhulumeni esayine isivumelwano neVatican, amaphoyisa abopha oFakazi, futhi axosha izithunywa zabo zevangeli. Kodwa oFakazi ababesele baqhubeka behlangana ngenjongo yokukhulekela, beshumayeza abanye, futhi banda. Ekugcineni, ngo-1974 baqashelwa ngokomthetho.
Lelihhovisi legatsha liqondisa umsebenzi woFakazi abangaphezu kuka-40 000 ePortugal. Liye lawasiza kakhulu namazwe ase-Afrika ayesebenzelana kakhulu nePortugal
[Isithombe ekhasini 383]
Umhlangano wezizwe zonke owaba seLisbon ngo-1978
ESWEDEN
[Isithombe ekhasini 383]
Eminyakeni ecishe ibe yikhulu, oFakazi BakaJehova babelokhu beshumayela eSweden. Eminyakeni eyishumi edlule, baye banikela ngamahora angaphezu kuka-38 000 000 kulomsebenzi. Amabandla amaningi eSweden manje anabantu abakhuluma ezinye izilimi eziningi ngaphandle kwesiSwidi.
[Isithombe ekhasini 383]
Ukuze kusizwe zonke izinhlobo zabantu eSweden, lapha kunezincwadi zezilimi ezingu-70
ESPAIN
[Isithombe ekhasini 384]
Leligatsha linakekela oFakazi abangaphezu kuka-92 000 eSpain. Linyathelisela iSpain nePortugal “INqabayokulinda” ne-“Phaphama!” Naphezu kwemizamo ephikelelayo yabefundisi bamaKatolika yokusebenzisa uMbuso ukuba uvimbele oFakazi BakaJehova, oFakazi baye bahlanganyela amaqiniso eBhayibheli nabantu baseSpain ngo-1916. Ekugcineni, ngo-1970, lapho oFakazi BakaJehova eSpain sebengaphezu kuka-11 000, baqashelwa ngokomthetho. Kusukela ngalesosikhathi, amanani abo aye anda ngokuphindwe kasishiyagalombili.
[Isithombe ekhasini 384]
Amabandla angaphezu kuka-1 100 manje ahlangana ngokukhululekile emaHholo OMbuso atholakala kulo lonke lelizwe
ESWITZERLAND
[Isithombe ekhasini 384]
Kusukela ngo-1903 i-Watch Tower Society iye yaba nehhovisi eSwitzerland. Enye yezindawo zeNhlangano zokunyathelisa zokuqala eYurophu yayikulelizwe. Sekuyiminyaka eminingi igatsha elilapha eThun linyathelisa omagazini bokusetshenziswa kwamanye amazwe amaningi.
I-AFRIKA
EBENIN
[Isithombe ekhasini 385]
IBenin yakhiwa amaqembu ezinhlanga angaba ngu-60 akhuluma izilimi zezigodi ezingu-50. Lapho izinkulungwane zalabantu zigqashula ezinkolweni zazo zangaphambili, abapristi bokukhulekelwa kwezithombe nabefundisi beLobukholwa bacasuka. Kodwa amagagasi aphindaphindiwe okushushiswa awazange akuvimbele ukwanda kokukhulekela kweqiniso kulelizwe.
[Isithombe ekhasini 385]
Umhlangano owaqhutshwa ngo-1990
ECENTRAL AFRICAN REPUBLIC
[Isithombe ekhasini 385]
Emuva ngo-1947, isigijimi soMbuso saqala ukufinyelela kubantu lapha. Umuntu othile owayebe khona emihlanganweni yoFakazi kwenye indawo wakuhlanganyela nabanye lokho ayekufundile. Ngokushesha kwaba neqembu elalitadisha, labo ababeba khona ngokushesha baqala ukufakaza, futhi labo ababekhulekela uJehova banda ngamanani.
ECÔTE D’IVOIRE
[Izithombe ekhasini 386]
Izithunywa zevangeli eziqeqeshwe eGileyadi zasiza ekuqaliseni ukukhulekela kweqiniso kulelizwe eliseNtshonalanga Afrika ngo-1949. Izithunywa zevangeli ezinjalo ezingaphezu kwekhulu ziye zakhonza lapha. Unyaka ngamunye, manje kunikelwa ngamahora angaphezu kwayisigidi ekufuneni abantu abalambele iqiniso abasendaweni enakekelwa yilelihhovisi legatsha.
EGHANA
[Isithombe ekhasini 386, 387]
Ukushunyayelwa kwezindaba ezinhle eGhana kwaqala ngo-1924. Manje lelihhovisi elise-Accra liqondisa amabandla angaphezu kuka-640 eGhana. Futhi liye lanakekela nokuhunyushelwa kwezincwadi zeBhayibheli olimini lwesi-Ewe, isiGa, nesiTwi kanye nokunyathelisa ngalezizilimi.
[Isithombe ekhasini 387]
Umhlangano webandla eHholo LoMbuso elixhumene nehhovisi legatsha
EKENYA
[Ibalazwe/Isithombe ekhasini 387]
Ngo-1931, ababili boFakazi BakaJehova basuka eNingizimu Afrika beyoshumayela eKenya. Kusukela ngo-1963 ihhovisi leNhlangano eKenya, ngezikhathi ezihlukahlukene, liye laqondisa ukushunyayelwa kwevangeli kwamanye amazwe amaningi eMpumalanga Afrika (njengoba kuboniswe ngezansi). Imihlangano yezizwe zonke eKenya ngo-1973, 1978, nango-1985 iye yaba nengxenye ebufakazini obuye banikezwa.
[Ibalazwe]
(Ukuze ubone ukuthi indaba ihlelwe kanjani, bheka encwadini)
KENYA
UGANDA
SUDAN
ETHIOPIA
DJIBOUTI
SOMALIA
YEMEN
SEYCHELLES
TANZANIA
BURUNDI
RWANDA
[Izithombe ekhasini 387]
Umhlangano omkhulu eNairobi (ngo-1978)
ENIGERIA
[Izithombe ekhasini 388]
Izindaba ezinhle ziye zashunyayelwa kulelizwe kusukela ekuqaleni kwawo-1920. Futhi kwathunyelwa abashumayeli bevangeli besuka eNigeria baya kwezinye izingxenye zeNtshonalanga Afrika, futhi izincwadi zeBhayibheli ezinyatheliswa lapha ziyaqhubeka zihlangabezana nezidingo zamazwe angomakhelwane. ENigeria ngokwayo, oFakazi BakaJehova baye bahambisela abantu izincwadi ezingaphezu kuka-28 000 000 ukuze zibasize baqonde iZwi likaNkulunkulu.
[Isithombe ekhasini 388]
UMnyango Wenkonzo, uqondisa abamemezeli boMbuso abangaphezu kuka-160 000 eNigeria
[Isithombe ekhasini 389]
Umhlangano eCalabar, eNigeria (ngo-1990)
ELIBERIA
[Isithombe ekhasini 388]
Labo abaye baba oFakazi BakaJehova lapha baye babhekana nokuvivinywa okuningi kokholo lwabo—lapho begqashula ekukholelweni ezeni okwenziwa kulendawo, lapho belahla isithembu, lapho beshushiswa izikhulu ezazitshelwe okubi ngabo, nalapho bezungezwe amaqembu ezombangazwe nawezinhlanga alwayo. Nokho, ukukhulekela kweqiniso kuyaqhubeka kuhlanganisa izinhlobonhlobo zabantu kulelizwe.
EMAURITIUS
[Izithombe ekhasini 389]
Emuva ngo-1933, oFakazi abashisekayo baseNingizimu Afrika bavakashela lesisiqhingi esisoLwandlekazi i-Indian. Manje kunoFakazi abangaphezu kwenkulungwane eMauritius abanxusa omakhelwane babo ukuba bafune uJehova ukuze abe nomusa kubo lapho ebhubhisa isimiso esibi samanje.—Zef. 2:3.
ENINGIZIMU AFRIKA
[Isithombe ekhasini 390]
Iminyaka engaphezu kuka-80, i-Watch Tower Society iye yaba nehhovisi legatsha eNingizimu Afrika. Abashumayeli bevangeli abashisekayo balapha baye benza lukhulu ekusakazeni isigijimi soMbuso kwamanye amazwe eningizimu nasempumalanga Afrika. Ensimini eyayingaphansi kwaleligatsha (lapho kunabamemezeli boMbuso abangu-14 674 ngo-1945), manje kunoFakazi BakaJehova abakhuthele abangaphezu kuka-300 000.
[Izithombe ekhasini 391]
Abahumushi abangaphezu kuka-110 basebenza ngaphansi kokuqondisa kwaleligatsha ukuze balungiselele izincwadi zeBhayibheli ngezilimi ezingu-16 zase-Afrika
[Isithombe ekhasini 391]
Ukunyathelisa kwenziwa lapha ngezilimi ezingaphezu kuka-40
ESENEGAL
[Izithombe ekhasini 390]
Nakuba inani loFakazi lapha lilincane, ihhovisi legatsha liye lazama ukuqikelela ukuba idolobha ngalinye, iqembu lohlanga ngalinye, nabantu bazo zonke izinkolo, hhayi eSenegal kuphela kodwa nasemazweni angomakhelwane, bathole ithuba lokuzwa isigijimi esijabulisayo seBhayibheli.
ESIERRA LEONE
[Isithombe ekhasini 391]
Ukushunyayelwa kwezindaba ezinhle eSierra Leone kwaqala ngo-1915. Ukwanda ngezinye izikhathi kuye kweza kancane. Kodwa lapho labo ababengabambeleli ezindinganisweni zikaJehova eziphakeme begudluzwa futhi kuhoxa nalabo ababengakhonzi ngezisusa ezifanele, labo ababeqotho kuJehova bachuma ngokomoya.
EZAMBIA
[Isithombe ekhasini 392]
Lelihhovisi legatsha liqondisa umsebenzi woFakazi abangaphezu kuka-110 000 eningizimu yenkaba ye-Afrika. Ihhovisi leNhlangano lokuqala lapha lakhiwa ngo-1936. Kusukela ngalesosikhathi, oFakazi BakaJehova eZambia baye benza izimpindelo ezingaphezu kuka-186 000 000 ukuze banikeze abathakazelayo usizo olwengeziwe. Futhi baye bafundisa abaningi ukuzifundela ukuze bakwazi ukuzitadishela bona siqu iBhayibheli futhi balihlanganyele nabanye.
[Isithombe ekhasini 392]
Uchungechunge lwemihlangano eZambia ngo-1992 lwethanyelwa abangu-289 643
EZIMBABWE
[Izithombe ekhasini 392]
OFakazi BakaJehova bebelokhu bekhuthele eZimbabwe kusukela ngawo-1920. Phakathi neminyaka eyalandela, babhekana nokuvinjelwa kwezincwadi zabo, ukwenqatshelwa kwemihlangano, nokungavunyelwa kwezithunywa zevangeli ukushumayela kubantu abaNsundu. Kancane kancane, kwanqotshwa izithiyo, futhi lelihhovisi manje linakekela oFakazi abangaphezu kuka-20 000.
IMPUMALANGA
EHONG KONG
[Izithombe ekhasini 393]
Izincwadi ze-Watch Tower lapha zihunyushelwa olimini lwesiShayina, leso, ngezilimi zaso zezigodi, esikhulunywa abantu abangaphezu kwenkulungwane yesigidi. EHong Kong ngokwayo, ukushunyayelwa kwezindaba ezinhle kwaqala lapho uC. T. Russell ebeka inkulumo ehholo lomphakathi ngo-1912.
ENDIYA
[Isithombe ekhasini 393]
Lelihhovisi liqondisa ukumenyezelwa kwesigijimi soMbuso kubantu abakha ingxenye eyodwa kweziyisithupha yenani labantu bomhlaba. Njengamanje, lelihhovisi liqondisa ukuhumushela ezilimini ezingu-18 futhi linyathelisa ngezingu-19. Phakathi kwalezi kunesiHindi (esikhulunywa abantu abayizigidi ezingu-367) nesi-Assamese, isiBengali, isiGujarati, isiKannada, isiMalayalam, isiMarathi, isiNepali, isi-Oriya, isiPunjabi, isiTamil, isiTelugu, nesi-Urdu (ngalunye olukhulunywa amashumi ezigidi).
[Izithombe ekhasini 393]
OFakazi abashumayela ngesiMalayalam
. . . ngesiNepali
. . . ngesiGujarati
EJAPANE
[Izithombe ekhasini 394]
OFakazi BakaJehova eJapane, njengakwezinye izindawo, bangabamemezeli abashisekayo boMbuso kaNkulunkulu. Ngo-1992 kuphela, baye banikela ngamahora angaphezu kuka-85 000 000 ekushumayeleni izindaba ezinhle. Ngokwesilinganiso, cishe amaphesenti angu-45 oFakazi baseJapane ahlanganyela enkonzweni yamaphayona inyanga ngayinye.
[Isithombe ekhasini 394]
Izincwadi zeBhayibheli zinyatheliswa lapha ngezilimi eziningi, kuhlanganise nesiJapane, isiShayina, nezinye izilimi zasePhilippines
[Isithombe ekhasini 394]
IHhovisi Lobunjiniyela Lesifunda liyasiza emsebenzini owenziwa ezakhiweni zegatsha emazweni ahlukahlukene
[Igrafu ekhasini 394]
(Ukuze ubone ukuthi indaba ihlelwe kanjani, bheka encwadini)
Amaphayona EJapane
75 000
50 000
25 000
1975 1980 1985 1992
EREPUBLIC OF KOREA
[Izithombe ekhasini 395]
Izincwadi zeBhayibheli ezingaba izigidi ezingu-16, ngaphandle kwamapheshana, zinyatheliswa lapha minyaka yonke ukuze zisetshenziswe oFakazi abangaphezu kuka-70 000 eRepublic of Korea. Amaphesenti acishe abe ngu-40 oFakazi baseKorea asenkonzweni yamaphayona.
EMYANMAR
[Izithombe ekhasini 395]
Lapho i-Watch Tower Society yakha ihhovisi legatsha lapha ngo-1947, kwakunoFakazi BakaJehova abangu-24 kuphela kulelizwe. OFakazi abangaphezu kuka-2 000 manje abakhuthele eMyanmar bazama ukungagcini ngokufinyelela abantu abahlala emadolobheni kuphela kodwa nabantu abaningi ngokwengeziwe abasemaphandleni.
EPHILIPPINES
[Isithombe ekhasini 396]
Ngo-1912, uC. T. Russell wakhuluma eGrand Opera House yaseManila ngesihloko esasithi “Bakuphi Abafileyo?” Kusukela ngalesosikhathi oFakazi BakaJehova lapha baye banikela ngamahora angaphezu kuka-483 000 000 ekufakazeni kubantu abatholakala eziqhingini ezihlala abantu ezicishe zibe ngu-900 zasePhilippines. Leligatsha linikeza ukuqondisa okuvamile koFakazi abangaphezu kuka-110 000 emabandleni angaphezu kuka-3 200. Ukunyathelisa lapha kwenziwa ngezilimi eziyisishiyagalombili ukuze kuhlangatshezwane nezidingo zendawo.
[Izithombe ekhasini 396]
OFakazi bamanye amaqembu amakhulu ezilimi ePhilippines
ESRI LANKA
[Izithombe ekhasini 397]
Ngaphambi kweMpi Yezwe I, izindaba ezinhle zazishunyayelwa eCeylon (manje eyiSri Lanka), kuya eningizimu yeNdiya. Iqembu elitadishayo lahlelwa ngokushesha. Kusukela ngo-1953 iNhlangano iye yaba nehhovisi legatsha enhloko-dolobha, ukuze inikeze amaSinhalese, amaTamil, namanye amaqembu ezinhlanga kulelizwe ithuba lokuzwa isigijimi soMbuso.
ETAIWAN
[Isithombe ekhasini 397]
Kwafakazwa ngandlela-thile lapha ngawo-1920. Kodwa kwaqala ukwenziwa sikhathi sonke ngawo-1950. Manje lezizakhiwo zegatsha ezintsha ziyakhiwa ukuze zibe isikhungo somsebenzi owandisiwe kulengxenye yomhlaba.
[Isithombe ekhasini 397]
Ibandla eliseTaipei
ETHAILAND
[Isithombe ekhasini 397]
Phakathi nawo-1930, oFakazi abangamaphayona bafika bevela eBrithani, eJalimane, e-Australia, naseNew Zealand bezohlanganyela iqiniso leBhayibheli nabantu baseThailand (ngalesosikhathi eyayaziwa ngokuthi iSiam). Izihambeli zomhlangano zasemazweni amaningi zaba khona emihlanganweni yezizwe zonke lapha ngo-1963, 1978, 1985, nango-1991 ukuze zikhuthaze oFakazi bendawo futhi zenze isigijimi soMbuso sisakazeke.
[Isithombe ekhasini 397]
Umhlangano ka-1963
[Isithombe ekhasini 397]
Izihambeli zomhlangano zaphesheya ngo-1991
IZIQHINGI ZASEPACIFIC
EFIJI
[Isithombe ekhasini 398]
Ihhovisi laseFiji lakhiwa ngo-1958. Isikhathi esithile laliqondisa umsebenzi wokumemezela uMbuso emazweni angu-12 nangezilimi ezingu-13. Manje igatsha laseFiji ligxilisa ukunakekela kwalo eziqhingini ezicishe zibe yikhulu eziseqoqweni laseFiji ezihlala abantu.
[Isithombe ekhasini 398]
Imihlangano yezizwe zonke eyaba lapha ngo-1963, 1969, 1973, nango-1978 yasiza ekwenzeni oFakazi bendawo basondelane nabakwamanye amazwe
EGUAM
[Isithombe ekhasini 398]
Ihhovisi laseGuam liqondisa ukushunyayelwa kwezindaba ezinhle eziqhingini ezisendaweni engamakhilomitha-skwele angu-7 770 000 yoLwandlekazi iPacific. Ukuhunyushelwa kwezincwadi zeBhayibheli ezilimini eziyisishiyagalolunye kuqondiswa yilo.
[Isithombe ekhasini 398]
Umbonisi wesifunda ngokuvamile uhamba ngendiza esuka kwesinye isiqhingi eya kwesinye
[Isithombe ekhasini 398]
OFakazi bendawo (njengoba kuboniswe lapha eMicronesia) bangase basebenzise izikebhe ukuze bafinyelele ensimini yabo
EHAWAII
[Isithombe ekhasini 399]
I-Watch Tower Society iye yaba nehhovisi legatsha eHonolulu kusukela ngo-1934. Abanye baseHawaii baye bahlanganyela emsebenzini wokushumayela ivangeli hhayi eziqhingini zaseHawaii kuphela kodwa naseJapane, eTaiwan, eGuam, naseziqhingini zaseMicronesia.
ENEW CALEDONIA
[Isithombe ekhasini 399]
Naphezu kwezithiyo ezivela kubaphikisi abangokwenkolo, oFakazi BakaJehova baletha isigijimi soMbuso kaNkulunkulu eNew Caledonia. Abantu abaningi balalela ngokwazisa. Ngo-1956 kwakhiwa ibandla lokuqala. Manje kunabadumisi bakaJehova abangaphezu kuka-1 300 lapha.
ENEW ZEALAND
[Isithombe ekhasini 399]
Ngo-1947 i-Watch Tower Society yakha ihhovisi legatsha eNew Zealand elalizokuqondisa ngokuseduze ukushunyayelwa kwezindaba ezinhle lapha.
[Isithombe ekhasini 399]
Ukuhumusha okwenziwa kuleligatsha kwenza abantu baseSamoa, eRarotonga, naseNiue bakwazi ukwakheka ngokomoya ngaso sonke isikhathi.
[Isithombe ekhasini 399]
Abahumushi nabacubungula okuzonyatheliswa bayabambisana ukuze izincwadi zibe sezingeni eliphakeme
E-AUSTRALIA
[Izithombe ekhasini 400]
I-Watch Tower Society iye yaba nehhovisi legatsha e-Australia kusukela ngo-1904. Esikhathini esedlule leligatsha lase-Australia laliqondisa umsebenzi wokumemezela uMbuso endaweni ecishe ibe ingxenye yesine yendawo yembulunga yonke, kuhlanganise neChina, iNingizimu-mpumalanga Asia, neziqhingi eziseNingizimu Pacific.
[Isithombe ekhasini 400]
IHhovisi Lobunjiniyela Lesifunda liyasiza ekwakhiweni kwamagatsha eNingizimu Pacific naseNingizimu-mpumalanga Asia
[Isithombe ekhasini 400]
Njengamanje, leligatsha linyathelisa izincwadi zeBhayibheli ngezilimi ezingaphezu kwezingu-25. Indawo yokunyathelisa lapha iyasiza ekulungiseleleni izincwadi ezidingwa oFakazi abangaba ngu-78 000 abahlala ezindaweni eziqondiswa amagatsha ayisishiyagalombili eNingizimu Pacific.
[Ibalazwe/Isithombe ekhasini 400]
Amazwe athola izincwadi ezivela egatsheni lase-Australia
[Ibalazwe]
(Ukuze ubone ukuthi indaba ihlelwe kanjani, bheka encwadini)
AUSTRALIA
PAPUA NEW GUINEA
NEW CALEDONIA
SOLOMON ISLANDS
FIJI
WESTERN SAMOA
TAHITI
NEW ZEALAND
EPAPUA NEW GUINEA
[Izithombe ekhasini 400]
OFakazi BakaJehova babhekene nenselele ekhethekile kulelizwe—abantu abakhuluma izilimi ezingaba ngu-700 ezihlukene. OFakazi basemazweni ayishumi okungenani baye bathuthela lapha ukuze bahlanganyele emsebenzini. Baye basebenza kanzima ukuze bafunde izilimi zendawo. Abantu abathakazelayo bahumushela abantu abakhuluma olunye ulimi. Imifanekiso nayo isetshenziswa ngokuphumelelayo njengesizayo ekufundiseni.
ESOLOMON ISLANDS
[Izithombe ekhasini 401]
Isifundo seBhayibheli esasiqhutshwa emhlabeni wonke ngeposi saletha isigijimi soMbuso eSolomon Islands emuva ngawo-1950. Naphezu kwezithiyo ezinkulu, iqiniso leBhayibheli liyasakazeka. Lelihhovisi legatsha neHholo LoMhlangano elinendawo enkulu kungumphumela wokuhlakanipha kwabantu bendawo, ukubambisana kwezizwe zonke, nobuningi bomoya kaJehova.
ETAHITI
[Izithombe ekhasini 401]
Ekuqaleni kwawo-1930, oFakazi BakaJehova babefinyelele iTahiti ngesigijimi soMbuso. Lapha, phakathi oLwandlekazini iPacific, kunikezwa ubufakazi ngokugcwele. Phakathi neminyaka emine nje edlule, ubufakazi obanikezwa, ngokwesilinganiso, bufinyelela emahoreni angaphezu kwamahlanu okukhuluma nomuntu ngamunye wesilisa, owesifazane, nomntwana kulesisiqhingi.
ENTSHONALANGA SAMOA
[Isithombe ekhasini 401]
INtshonalanga Samoa ingelinye lamazwe amancane kakhulu emhlabeni, kodwa oFakazi BakaJehova banehhovisi legatsha nalapha. Lesisakhiwo sasisakhiwa ngo-1992 ukuze sinakekele umsebenzi kuleziziqhingi nakwezinye ezingomakhelwane, kuhlanganise ne-American Samoa.