Isethulo Sengxenye 5

Ngemva kwezinyanga ezimbili ewele uLwandle Olubomvu, ama-Israyeli afika eNtabeni iSinayi. Lapho, uJehova wenza isivumelwano nama-Israyeli sokuthi bazoba isizwe sakhe esikhethekile. Wabavikela, wabasekela ngakho konke ababekudinga, wabanika imana ababezoyidla nendawo ephephile yokuhlala futhi izingubo zabo azizange ziguge. Uma ungumzali, siza ingane yakho iqonde ukuthi kungani uJehova anika ama-Israyeli uMthetho, itabernakele nobupristi. Gcizelela ukubaluleka kokwenza esikuthembisile, ukuhlala sithobekile nokuhlala siqotho kuJehova.