Umhlangano Waminyaka Yonke—October 7, 1989

UMHLANGANO WAMINYAKA YONKE wamalungu eWatch Tower Bible and Tract Society of Pennsylvania uzoba ngo-October 7, 1989 eHholo LoMhlangano LoFakazi BakaJehova, e-2932 Kennedy Boulevard, Jersey City, New Jersey. Umhlangano wokwandulela wamalungu kuphela uyohlangana ngo-9:30 a.m., ulandelwe umhlangano kawonk’ uwonke waminyaka yonke ngo-10:00 a.m.

Amalungu eNhlangano kufanele azise iHhovisi likaNobhala manje nganoma iluphi ushintsho emakhelini awo phakathi nonyaka odlule ukuze izincwadi ezivamile zesaziso kanye nezincwadi zokuvota ziwafinyelele ngokushesha ngemva kuka-August 15.

Izincwadi zokuvota, eziyothunyelwa emalungwini kanye nezincwadi zesaziso zomhlangano waminyaka yonke, kufanele zibuyiswe ukuze zifinyelele iHhovisi likaNobhala weNhlangano kungakadluli umhla ka-1 kuSeptember. Ilungu ngalinye kufanele liyigcwalise futhi liyithumele ngokushesha incwadi yalo yokuvota, lisho ukuthi lizoba khona mathupha yini emhlanganweni noma cha. Ukwaziswa okunikezwe encwadini yokuvota ngayinye kufanele kube okuqondile kuleliphuzu, njengoba kuyothenjelwa kukho ukuze kubonwe ukuthi obani abazobe bekhona siqu.

Kulindeleke ukuba isimiso sonke, kuhlanganise nomhlangano ongokomthetho wamabhizinisi kanye nemibiko, kuphethwe ngo-1:00 p.m. noma ngokushesha ngemva kwalokho. Asiyikuba khona isimiso santambama. Ngenxa yendawo elinganiselwe, kuyongenwa ngamathikithi kuphela. Akukho malungiselelo ayokwenziwa okuxhuma umhlangano waminyaka yonke ngezingcingo nezinye izindawo.