Lithini IBhayibheli?

Ingabe inkolo isungulwe abantu?

ABANYE ABANTU BAKHOLELWA ukuthi inkolo yinto esungulwe abantu; abanye bacabanga ukuthi uNkulunkulu usebenzisa inkolo ukusiza abantu ukuba basondele kuye. Wena ucabangani?

OKUSHIWO IBHAYIBHELI

Kukhona ‘indlela yokukhulekela [noma, inkolo] ehlanzekile nengangcolile ngokombono kaNkulunkulu uBaba wethu.’ (Jakobe 1:27) Inkolo ehlanzekile noma yeqiniso ivela kuNkulunkulu.

OKUNYE ESIKUFUNDA EBHAYIBHELINI

• Ukuze inkolo ijabulise uNkulunkulu, kumelwe isekelwe eqinisweni leBhayibheli.—Johane 4:23, 24.

• Izinkolo ezisekelwe emibonweni yabantu azisizi ngalutho.—Marku 7:7, 8.

Ingabe kuyadingeka ube senkolweni ethile?

UBUNGATHINI?

• Yebo

• Cha

• Kuya ngezimo

OKUSHIWO IBHAYIBHELI

“Masicabangelane ukuze sivuselelane uthando nemisebenzi emihle, singakuyeki ukuhlangana kwethu ndawonye.” (Hebheru 10:24, 25) UNkulunkulu ufuna abakhulekeli bakhe bahlangane ndawonye njengeqembu.

OKUNYE ESIKUFUNDA EBHAYIBHELINI

• Labo abakhulekela uNkulunkulu ndawonye kufanele babe nezinkolelo ezifanayo.—1 Korinte 1:10, 11.

• Amalungu enkolo uNkulunkulu ayamukelayo angabafowabo bomunye nomunye emhlabeni wonke.—1 Petru 2:17.