Ongakusho Ngomagazini

INqabayokulinda September 1

“Ngezinye izikhathi abantu benza izinto ezimbi ngenxa yentshiseko engafanele engokwenkolo. Ucabanga ukuthi yini ebenza bakhohliseke kangaka? [Lindela impendulo.] Phawula lokho okukhuthazwa yiBhayibheli. [Funda eyoku-1 Johane 4:1.] Lesi sihloko siyachaza ukuthi kungani kubalulekile ukuvumelanisa izinkolo zethu nalokho okushiwo yiZwi likaNkulunkulu.” Khulumela isihloko esiqala ekhasini 10.

Phaphama! September

Funda uMathewu 5:39, bese uthi: “Ucabanga ukuthi uJesu wayesho ukuthi kufanele sithule lapho sihlushwa? [Lindela impendulo.] Lesi sihloko sibonisa lokho iBhayibheli elikushoyo ngokuzivikela nokufuna isivikelo somthetho.” Khulumela isihloko esiqala ekhasini 10.

INqabayokulinda October 1

“Abantu bazo zonke izinkolo emhlabeni bayathandaza. Ingabe ucabanga ukuthi uNkulunkulu uyayizwa ngempela futhi ayiphendule imithandazo? [Lindela impendulo.] IBhayibheli lisikhuthaza ukuba sithandaze. [Funda eyabaseFilipi 4:6, 7.] Lo magazini unikeza impendulo yeBhayibheli emibuzweni engu-7 evame ukubuzwa ngomthandazo.”

Phaphama! October

“Sivame ukuzwa ngabantu abakhohliswa abangane bomshado, abezombangazwe nabanye. Ingabe ucabanga ukuthi kuya kuba nzima ukuthola abantu abathembekile? [Lindela impendulo.] Abaningi banomuzwa wokuthi lo mbhalo uyagcwaliseka. [Funda eyesi-2 Thimothewu 3:1-5.] Lo magazini uyachaza ukuthi singabatholaphi abantu abathembekile.”