Izintshumayelo Ezisikiselwe

Zokuqala Izifundo ZeBhayibheli NgoMgqibelo Wokuqala Ku-June

“Cishe wonke umuntu esikhuluma naye ufisa kube nokuthula emhlabeni. Noma kunjalo, kusalokhu kunezimpi. Ngokombono wakho, kungani ukuthula kuntuleka kangaka emhlabeni?” Lindela impendulo. Yibe usumbonisa ikhasi elingemuva le-Nqabayokulinda ka-June 1, bese nixoxa ngendaba engaphansi kombuzo wokuqala kanye nomBhalo okungenani owodwa kwekhonjiwe. Mhambisele omagazini bese uhlela ukubuya ukuze nixoxe ngombuzo olandelayo.

Phawulani: Kufanele kube nomboniso wale ntshumayelo emhlanganweni wenkonzo ngo-June 1

INqabayokulinda June 1

“Sinivakashele kafushane kule ndawo ukuze sixoxe ngenkinga evamile. Abantu abaningi bake babhekana nobandlululo ngezikhathi ezithile. Ucabanga ukuthi ikhona indawo engenalo ubandlululo emhlabeni? [Lindela impendulo.] Phawula indlela uNkulunkulu ababheka ngayo bonke abantu. [Funda IzE. 10:34.] Lo magazini ukhuluma ngendlela uNkulunkulu ayoluqeda ngayo unomphela ubandlululo.”

Phaphama! June

“Kunokuthile esingathanda ukuzwa umbono wakho ngako. Kungokwemvelo ukufuna ukuphila okungcono. Ucabanga ukuthi singakuthola ngokuthenga izinto eziningi ezinhle? [Lindela impendulo.] Phawula la mazwi kaJesu anengqondo. [Funda uLuka 12:15.] Lo magazini unikeza umbono olinganiselayo ngokuba nezinto futhi unikeza amacebiso awusizo ngendlela efanele yokuthenga.”