Ungammema Yini?

Emabandleni amaningi kunabamemezeli abenza ingxenye encane enkonzweni ngenxa yokugula okungamahlalakhona noma ukukhula. (2 Kor. 4:16) Ungammema yini umuntu okuleso simo ukuba akuphelezele niye esifundweni sakho seBhayibheli? Mhlawumbe leso sifundo ungasiqhubela emzini wakhe uma engasakwazi ukuphuma ekhaya. Ngezinye izikhathi ungawenza yini amalungiselelo okusebenza nommemezeli onempilo ebuthaka emizini embalwa endlini ngendlu, noma uye naye empindelweni eyodwa noma ezimbili? Abamemezeli abaningi asebekhulile banokuhlangenwe nakho okuningi enkonzweni. Ngakho imizamo yakho ngeke igcine ngokukhuthaza bona, nawe uyozuza. (Roma 1:12) Ngaphezu kwalokho, uJehova uyoyivuza imizamo yakho yokubonisa uthando ngale ndlela.—IzAga 19:17; 1 Joh. 3:17, 18.