IBhayibheli Lichaza Umfazi Onekhono

Incwadi yezAga isahluko 31 iqukethe umyalezo osemqoka weNkos’ uLamuweli ovela kunina. Iseluleko sakhe esihlakaniphile safundisa uLamuweli indlela ayengambona ngayo umfazi onekhono.

Umfazi onekhono uthembekile

31:10-12

• Unikeza amacebiso awusizo ezinqumweni ezenziwa emndenini kodwa ebe eqhubeka ethobekile

• Umyeni wakhe uyamethemba ukuthi uzokwenza izinqumo ezihlakaniphile, ngakho akamphoqeleli ukuba athole imvume yakhe kuzo zonke izinto

Umfazi onekhono ukhuthele

31:13-27

• Ufunda izindlela zokonga futhi uphila ngendlela elinganiselayo ukuze umndeni wakhe ugqoke ngendlela ecocekile nefanelekayo futhi ube owondleke kahle

• Usebenza kanzima enakekela abendlu yakhe imini nobusuku

Umfazi onekhono ungumuntu ongokomoya

31:30

• Wesaba uNkulunkulu futhi uhlakulela ubuhlobo obuhle naye