Yenza Isikhathi Sakho Sokutadisha Sizuzise Nakakhulu

KUNGANI KUBALULEKILE: Ukutadisha iZwi likaNkulunkulu kusisiza ‘siqonde ngokuphelele ububanzi nobude nokuphakama nokujula’ kwamaqiniso. (Efe 3:18) Kusisiza nokuba sihlale singenabala futhi singenasici kuleli zwe elonakele, ‘silibambe ngokuqinile izwi lokuphila.’ (Fil 2:15, 16) Lapho sizitadishela iZwi likaNkulunkulu siyakwazi ukukhetha izincwadi ezizosisiza. Yini esingayenza ukuze sizuze nakakhulu lapho sifunda noma sitadisha iBhayibheli?

INDLELA YOKUKWENZA:

• Lapho ufunda iBhayibheli elinyathelisiwe noma elisemshinini wezobuchwepheshe, dwebela amavesi, ubhale namaphuzu kulo

• Njengoba ufunda iZwi likaNkulunkulu zibuze le mibuzo: ‘Ubani? Yini? Nini? Kuphi? Kungani? Kanjani?’

• Funa imininingwane. Bheka isihloko noma ivesi leBhayibheli usebenzisa amathuluzi okucwaninga akhona

• Zindla ngalokho okufundayo ukuze ubone indlela okukuthinta ngayo

• Kusebenzise ekuphileni kwansuku zonke lokho okufundayo.​—Luka 6:47, 48

BUKA IVIDIYO ETHI “LIBAMBE NGOKUQINILE”​—NGOKUTADISHA NGEZINDLELA EZIPHUMELELAYO, BESE UPHENDULA IMIBUZO ELANDELAYO:

• Abanye baye basichaza kanjani isikhathi sabo sokutadisha?

• Kungani kufanele siqale ngomthandazo njalo lapho sizotadisha?

• Yini engasisiza siliqonde kangcono ivesi leBhayibheli?

• Izimpawu ezinjani esingase sizifake eBhayibhelini esitadisha ngalo?

• Kungani kubalulekile ukuzindla lapho utadisha iZwi likaNkulunkulu?

• Kufanele senzenjani ngalokho esikufundayo?