UKUPHILA NJENGAMAKRISTU

Siza Abantu Abangakholwa Bamazi UMdali Wabo

Ingabe kuke kwenzeke ukugweme ukufakaza kubantu abangakholwa ngoba ucabanga ukuthi ngeke balalele? Uma kunjalo, khumbula ukuthi abantu abangakholwa—okuhlanganisa nabantu ababethi akekho uNkulunkulu—manje sebengoFakazi BakaJehova. Ngokuvamile, ababekudinga nje usizo lokuhlola ubufakazi bokuthi uNkulunkulu ukhona.—Rom 1:20; 10:14.

BUKELANI IVIDIYO ETHI KHUMBULA—ABANTU ABANGENALO UKHOLO BANGABA NALO!—ABANTU ABANGASONTI BESE NIPHENDULA LO MBUZO OLANDELAYO:

Okwenzeka kuTommaso kukusiza kanjani ube nombono omuhle ngokufakaza kubantu abangakholwa?

Impendulo

Ungakwenza kanjani

Uma umuntu ethi akakholelwa kuNkulunkulu, yiba nomusa, ukucabange kahle ozokusho futhi ukulalelisise lokho akushoyo, ucabangele nemizwa yakhe. (2Ti 2:24) Xoxani ngezinto ezingamenza akulalele. Ingabe uyafuna yini ukuxoxa ngobufakazi obenze abaningi bakholelwa ukuthi ukhona uMdali? Uma kunjalo, sebenzisa izincwadi namavidiyo alungiselelwe izimo ezinjengalezo. Incwajana ethi Ingabe Izinto Eziphilayo Zadalwa? nethi The Origin of Life—Five Questions Worth Asking zifakiwe eBhokisini Lamathuluzi Okufundisa ukuze zitholakale kalula.

Ekuqaleni, ungase ungabaze ukuxoxa ngeqiniso nabantu abangakholelwa kuNkulunkulu. Kungani ungaceli usizo kummemezeli enesipiliyoni? Khumbula nokuthi uJehova angasisiza sifinyelele izinhliziyo zalabo abanesimo esihle sengqondo esiyobenza bathole ukuphila okuphakade—ngisho noma kungenzeka ekuqaleni babengakholelwa ukuthi uNkulunkulu ukhona.—IzE 13:48.