Amagama Obani Abhalwe “Encwadini Yokuphila”?

Impendulo YeBhayibheli

‘Incwadi yokuphila’ ebizwa nangokuthi “umqulu wokuphila” noma “incwadi yenkumbulo,” iqukethe amagama abantu abayothola isipho sokuphila okuphakade. (IsAmbulo 3:5; 20:12; Malaki 3:16) UNkulunkulu nguye okhetha amagama abantu abathembekile nabamlalelayo abhalwa lapho.​—Johane 3:16; 1 Johane 5:3.

UNkulunkulu uzigcine enkumbulweni yakhe zonke izinceku zakhe ezithembekile, njengokungathi ubhala ubhala amagama azo encwadini “kusukela ekusungulweni kwezwe” labantu. (IsAmbulo 17:8) U-Abela, indoda ethembekile, ungowokuqala okwabhalwa igama lakhe encwadini yokuphila. (Hebheru 11:4) Kwakungelona nje uhlu lwamagama olungasho lutho, ngoba incwadi yokuphila isibonisa ukuthi uJehova unguNkulunkulu onothando ‘obaziyo abangabakhe.’​—2 Thimothewu 2:19; 1 Johane 4:8.

Ingabe amagama angasulwa “encwadini yokuphila”?

Yebo. UNkulunkulu wathi ngokuphathelene nama-Israyeli asendulo angalaleli: “Noma ngubani owonile kimi, nguye engizomesula encwadini yami.” (Eksodusi 32:33) Kodwa uma sithembekile siyohlala “encwadini yokuphila.”​—IsAmbulo 20:12.