Umbhalo Waphansi
a INational Geographic kaOctober 1980 ithi: “Amanye amazwe amaKhomanisi awayifuni inkolo; iAlbania iyayinqabela, izimemezela ngo-1967 ngokuthi iwu‘mbuso wokuqala emhlabeni ongakholelwa kuNkulunkulu.’ Zonke izindlu zokusonta eziyizi-2 169, amasonto, izigodlo zezindela, nezinye izindawo ‘eziphikisana nokukhishwa kolwazi oluqondile nezokukhulekela kwamanga’ ziye zavalwa, zabhidlizwa, noma zenziwa izindawo zokuzijabulisa, imitholampilo, izindlu zokugcina impahla, noma izitebele zamahashi. . . . Isizukulwane esisha saseAlbania sazi kuphela imfundiso yokuthi uNkulunkulu akekho.”
Futhi, umagazini iTime kaNovember 17, 1980, wathi ngeCambodia, manje ebizwa ngokuthi iKampuchea: “IKhmer Rouge yaqala izindlela zokubhubhisa noma iyiphi inkolo eseleyo. Abefundisi bamaKristu babulawa nezindlu zokusonta zamaSulumane zadilizwa. Nokho, okudumaza kakhulu, kwakuhlalele amaBuddha, ayehlanganisa ama-90% enani labantu baseKampuchea. Abashokobezi ababevela emahlathini bonela phansi amathempeli ezwe ayizi-2 800. ‘OBuddha baphonswa emfuleni noma basetshenziswa njengezinkuni zokubasa.’ kusakhumbula uOum Soum, 62, oyiphini lomqondisi wePhnom-Penh’s Buddhist Institute. ‘[Amathempeli] amaWats angadilizwanga aba izinqolobane zokufaka umanyolo.’ Izindela zamabonze zajivazwa ngokuthi ‘izinxibi.’ Abanenhlanhla bamane bakhishwa emathempelini abo bayiswa ezinkundleni. Kwabulawa izindela eziyizi-50 000 kweziyizi-80 000 zaseCambodia.”—K. 90.