Ingabe Uyazi?

(Izimpendulo zale mibuzo zingatholakala ezikhombweni zeBhayibheli ezinikeziwe, kanti uhlu oluphelele lwezimpendulo lunyatheliswe ekhasini 27. Ukuze uthole ukwaziswa okwengeziwe, bheka incwadi ethi “Insight on the Scriptures,” enyatheliswa yi-Watchtower Bible and Tract Society of New York, Inc.)

1. UJesu watshela owesifazane ongumSamariya ukuthi uNkulunkulu kumelwe akhulekelwe ngani? (Johane 4:24)

2. Yini uNkulunkulu ayinikeza izinceku zakhe ezikholekile ukuze zikwazi ukukhuthazelela izingcindezi noshushiso? (2 Korinte 4:7-10)

3. Yayingubani indodana ewuthumbu kaMahluleli uGideyoni, okuwukuphela kwayo eyasinda phakathi kwamadodana angu-70 abulawa umfowabo ngamzali munye u-Abimeleki? (AbAhluleli 9:5)

4. Wabizwa ngokuthini unyaka wama-50 ngemva kokuba u-Israyeli engene eZweni Lesithembiso, okwakumelwe kumenyezelwe ngawo inkululeko ezweni lonke? (Levitikusi 25:10)

5. Amadodana akwa-Amoni awaqasha kumuphi umbuso omncane amadoda empi angu-12 000 ukuze alwe noDavide? (2 Samuweli 10:6)

6. Yini inkosi yaseBabiloni uNebukadinesari eyayibona ephusheni onyakeni wesibili wokubusa kwayo eyayiphazamisa kakhulu? (Daniyeli 2:1, 31)

7. Yini uSamsoni ayidwengula ngezandla esenzakalweni sokuqala esilotshiwe lapho asebenzisa khona amandla awanikwa uNkulunkulu? (AbAhluleli 14:5, 6)

8. Silwane sini u-Abrahama asithola sibambeke ngezimpondo esihlahleni futhi wasenza umhlatshelo esikhundleni sika-Isaka? (Genesise 22:13)

9. Yini eyenziwa yiNkosi uSawule lapho ilwa nama-Amaleki, eyayiwukwephula umyalo kaJehova? (1 Samuweli 15:3-9)

10. Ngemva kokudingiselwa eBabiloni, yiliphi igama elaqanjwa u-Ethanim, inyanga yokuqala ekhalendeni lamaJuda elivamile?

11. Abazali bakaJesu bayitholaphi indodana yabo eneminyaka engu-12 ngemva kokuyifuna izinsuku ezintathu? (Luka 2:46)

12. Ngubani ngokwesiprofetho owatshelwa ukuba athokoze ngokungena kukaJesu kokunqoba egibele ithole lembongolo? (Zakariya 9:9)

13. Kungani uJesu ayala ukuba ‘sibekelele imicebo ezulwini’? (Mathewu 6:20)

14. Yini uJehova ayenza ukuze abonise intukuthelo yakhe kuSolomoni lapho uSolomoni osegugile enzela abanye onkulunkulu imihlatshelo? (1 AmaKhosi 11:14, 23-26)

15. Yini imiBhalo esiluleka ukuba siyilonde ngaphezu kwakho konke okunye? (IzAga 4:23)

16. Yini iNkosi uJehoyakimi eyayenza lapho ifundelwa umqulu owawuqukethe amazwi kaJehova aqondiswe ku-Israyeli? (Jeremiya 36:23)

17. Yini uJakobe ayecabanga ukuthi yabulala indodana yakhe uJosefa? (Genesise 37:33)

18. Kusukela ezikhathini zasendulo, yimuphi umuzi owawaziwa ngokuthi “umuzi wamasundu”? (Duteronomi 34:3)

Izimpendulo Zemibuzo

1. “Ngomoya nangeqiniso”

2. “Amandla angaphezu kwavamile”

3. UJothamu

4. IJubili

5. Embusweni waseThobi

6. Isithombe esikhulu esinjengomuntu, esinezingxenye ezakhiwe ngezinsimbi ezihlukahlukene

7. Ibhongo lengonyama

8. Inqama

9. Wasindisa inkosi yawo, u-Agagi, kanye nokukhulupheleyo kwezimvu nezinkabi zawo

10. UTishri

11. Ethempelini

12. ‘Indodakazi yaseSiyoni’

13. Imicebo ebonakalayo iyabhubha futhi ayimenzi umuntu abe muhle kuNkulunkulu

14. Wasusa isibusiso sakhe futhi waqala ukuvusa amambuka amelana noSolomoni

15. Inhliziyo engokomfanekiso

16. Yawusika yawuphonsa emlilweni

17. “Isilwane esibi”

18. IJeriko