Usuku Olubaluleke Kakhulu Emlandweni

Lolu usuku uJesu Kristu afa ngalo. Kungani ukufa kukaJesu kwakubaluleke kangaka? Ngenxa yezizathu eziningana.

Ukuthembeka kukaJesu kwaze kwaba sekufeni kwabonisa ukuthi abantu bangabulondoloza ubuqotho kuNkulunkulu.

Ukufa kukaKristu kwavula nethuba lokuba abathile esintwini babuse kanye naye ezulwini. Ngaphezu kwalokho, kwavula indlela yokuba abaningi bajabulele ukuphila okuphakade epharadesi lasemhlabeni.

Ngobusuku bangaphambi kokufa kwakhe, uJesu wasebenzisa isinkwa esingenamvubelo newayini elibomvu njengezifanekiselo zomhlatshelo wakhe wobuntu onothando. Watshela nabafundi bakhe: “Qhubeka nikwenza lokhu ningikhumbula.” (Luka 22:19) Ingabe uyosikhumbula lesi senzakalo esibalulekile?

OFakazi BakaJehova bakumema ngokufudumele ukuba uhlanganyele nabo eSikhumbuzweni sokufa kukaJesu. Kulo nyaka lesi Sikhumbuzo sizoba ngoLwesine, April 9, ngemva kokushona kwelanga. Ungaya eHholo LoMbuso eliseduze nalapho uhlala khona. Siza ubuze oFakazi BakaJehova bendawo ngesikhathi nendawo eqondile.