Анцәа имҵахырхәаразы иҟоу аҭыԥқәа рыргылареи рхылаԥшреи ҳаҭыр дууп

Израильтәи аныҳәарҭа аргыларазы ахарџьи амчи рацәаны иаҭахын. Ус шакәызгьы, ари аус аҿы израильаа агәацԥыҳәара ду аадырԥшит (1 Аш. [1 Лт] 29:2—9; 2 Аш. [2 Лт] 6:7, 8). Аныҳәарҭа аргылара ианалга ашьҭахь израильаа уи ишахылаԥшуаз иаанарԥшуан рдоуҳара зеиԥшраз (2 Аҳ. [2 Цр] 22:3—6; 2 Аш. [2 Лт] 28:24; 29:3). Иахьа ақьырсианцәа ирацәаны раамҭеи рымчи ақәдырӡуеит Аҳратә залқәеи Аконгресстә залқәеи рыргыларазы, реилыргаразы, насгьы рхылаԥшразы. Абасала Иегова аус ицура ҳаҭыр дууп, насгьы иԥшьоу ҳмаҵзура иахәҭакуп (Аԥсал. 126:1 [127:1, АдҾ]; Аат. 7:15).

ҲАРА ҲХАТӘЫ ЛАГАЛА ҞАҲҴАЛАР ҲАЛШОИТ...

• 

  Аизара ашьҭахь азал цқьаны ианаанҳажьуа. Игәаҳҭар ҳалшоит ҳахьтәаз аҭыԥ акәша-мыкәша цқьоу-ицқьаму.

• 

  Иааиԥмырҟьаӡакәа Аҳратә зал аилыргареи ахылаԥшреи ҳаналахәу. Ауаа анырацәоу, аус ирласны ицоит, насгьы агәырӷьара узаанагоит (lv 92, абз. 18).

• 

  Афинанстә цхыраара аныҟаҳҵо. «Ҩ-лептак» иадамзаргьы гәыкала иҟаҵоу аҭара Иегова даргәырӷьоит (Марк 12:41—44).

• 

  Ҳҭагылазаашьа иахьынӡаҳалнаршо атеократиатә хыбрақәа рыргылареи реиҭарҿыцреи ҳҽанрылаҳархәуа. Уи азы аргылара аганахь ала аԥышәа умамзаргьы ҟалоит.