«Анцәа еидикылаз...»

Моисеи изакәан инақәыршәаны зыԥҳәыс илылҵыр зҭахыз ахаҵа закәанла иаԥҵаз арзаҳал ирхиар ихәҭан. Уи азакәан аҭаацәалазаарақәа аилыҵра аҟынтә иахьчон, избанзар уи арзаҳал архиаразы аамҭа аҭахын. Аха Иисус ихаан адиннапхгаҩцәа аилыҵратә процесс дырмариеит. Ахацәа иаарҭаххалак мзызс иҟаҵаны рыҳәса ирылҵыр рылшон («свидетельство о разводе», «разводится со своей женой», «прелюбодействует по отношению к первой» — Марк 10:4, 11 аҭҵааразы аматериал, nwtsty-​U). Иисус афарисеицәа данрацәажәоз иҳәеит аҭаацәалазаара еиҿызкааз, насгьы ишьақәзыргылаз Иегова шиакәу (Марк 10:2—12). Иара игәҭакы инақәыршәаны хаҵеи-ԥҳәыси цәеижькны иҟалоит, насгьы наунагӡа еицызароуп. Матфеи 19:9 инақәыршәаны аилыҵра азин узҭо мзыз заҵәык ауп, уи акалҭбааԥсра ма акалҭшьҭаныҟәара, даҽакала иуҳәозар, игәаԥхашәадоу ахымҩаԥхашьа ауп.

Иахьа аӡәырҩы ауаа аҭаацәалазаара Иисус иеиԥш акәымкәа афарисеицәа реиԥш ауп ишахәаԥшуа. Дара ауадаҩрақәа ианрықәшәо, иаразнак еилыҵуеит. Аха иқьырсиану хаҵеи-ԥҳәыси ус иҟам, дара аҭаацәалазаара ианалалоз иҟарҵаз аҿаҭахьа ҭакԥхықәрала иазнеиуеит, насгьы абиблиатә принципқәа рхы иархәаны, ауадаҩрақәа рыӡбара рҽазыршәоит. Уахәаԥш авидеонҵамҭа «Абзиабареи аҳаҭырқәҵареи аҭаацәара еиднакылоит», анаҩс абарҭ азҵаарақәа рҭак ҟаҵа:

• 

  Ишԥаулшо Ажәамаанақәа 15:1 иану апринцип уҭаацәалазаараҿы ухы архәара, насгьы избан уи зхадоу?

• Ишԥауцхраар алшо Ажәамаанақәа 19:11 иану апринцип ауадаҩрақәа рҽырцәыхьчара?

• Уҭаацәалазаараҿы ауадаҩрақәа цәырҵзар, иарбан зҵаароу ухы иауҭар улшо, аилыҵра азхәыцра аҭыԥан?

• Ишԥашәыцхраауеи Матфеи 7:12 ахаҵа ироль ма аԥҳәыс лроль еиӷьны анагӡара?