Шаҟа иӷәӷәоузеи Иегова иқәыргәыӷрақәа рахь иумоу агәрахаҵара?

Иисус Навини Соломони агәрагаҵәҟьаны иҟан Иегова иқәыргәыӷрақәа зегь аҵыхәтәанынӡа ишынаӡо (Иис. Н. 23:14; 1 Аҳ. 8:56). Зыгәра угартә иҟоу арҭ ҩыџьа ашаҳаҭцәа ражәақәа, иӷәӷәоу агәрахаҵара аизырҳаразы иҳамоу амзызқәа ируакуп (2 Кор. 13:1; Тит 1:2).

Ишԥанаигӡеи Иегова Иисус Навин ихаан ииҳәаз ажәа? Ҭаацәаныла шәахәаԥш авидеонҵамҭа «Ни одно слово „не осталось неисполненным“», анаҩс абарҭ азҵаарақәа шәрызхәыц: 1) Ишԥаулшо Раав лыгәрахаҵара аҿыԥшра? (Аур. 11:31; Иак. 2:24—26). 2) Ишԥаҳнарбо Ахан иҿырԥштәы, идырны Анцәа изымӡырҩра алҵшәа бааԥсқәа шаанаго? 3) Избан гаваонаа агәымшәара злаз аибашьыҩцәа шракәызгьы, Иисун Навин джьаны, израильаа рҿы аиқәшаҳаҭра бжьарҵарц зырыӡбаз? 4) Ишԥанаӡеи Иегова иажәа, амореитәи хә-ҩык аҳцәа Израиль ианаҿагыла? (Иис. Н. 10:5—14). 5) Дышԥауеиҷаҳаи Иегова, иудукылаз аӡбара ала Анцәа Иаҳреи ииашоу инормақәеи уара узы зегь раасҭа ишыхадоу анааурԥш? (Матф. 6:33).

Иегова уаанӡа иҟаиҵоз, уажәы иҟаиҵо, насгьы ҳаԥхьаҟа иҟаиҵо ҳазхәыцуазар, иқәыргәыӷрақәа рахь иҳамоу агәрахаҵара ҳарӷәӷәоит (Рим. 8:31, 32).