Koọr Siigbu Ilọ Amem AMemorial Phọ

Torobọ alhạ, awe phọ Enhaạn r’ogon ghan ni oḅophoghạn ole eyaạl aMemorial phọ. Siwiki kụ egbi oteẹny ḅilhẹ r’amem dị aMemorial phọ maten, yira r’osighẹ ghan ni ibadị aroopoogh dị egbatanhaạn k’oboom oḅilhẹ osẹph aZihova ilọ ekiạ etagharạn phọ. (Efẹ 1:3, 7) Esi omaạm, yira rolhọgh ghan ni loor oomhaghạgh abunhọn awe m’oru aani aMemorial phọ. Ibadị r’ooḅenhion ghan ni sidọl abidị pidị otue okọy eten opọ roosophion ghan bọ, dị ogbon ongọ 30 obobọ 50 awạ runwanyụ aMarch r’April. Keḅeeraạny ni nyinhạ obughẹ iiḍighi phọ anạ epẹ erugh phọ oguḍu aMemorial phọ? Eeghe kụ kelhoghonhaạn nyinhạ ḍighaạgh omhoọgh ekol?

Yira romhoọgh ghan ekol torobọ amem dị yira ogbiighi raraạr kụ egbi oteẹny. (Pr 21:5) Loor esi iduọn aMemorial phọ r’ateẹny bọ, amuẹn kụ amem omhiigh ogbiighi araraạr. Tuutughiạn ipẹ nạ r’awạ bọ mọ arukumhuan erugh phọ anạ erọl oguḍu aMemorial phọ, aḅilhẹ asopha ipẹ nạ kaḍighi bọ kụ ateẹny siigbu phọ anạ. Kụ alọm mọ aZihova asẹph ikuph phọ anạ.—1Jọn 5:14, 15.

Nạ katue ni aatughiạn r’eten dị nạ kataramhị iiḍighi phọ anạ mem aMemorial phọ ḍughụm?