Gwokke ki Owic ma Tye i Kabedo me Nywako Lok i Intanet

PINGO PIRE TEK: Calo jami mukene ma Catan tiyo kwedgi-ni, kabedo me nywako lok i intanet bene twero bedo me kony nyo bedo gin marac adada. Lukricitayo mogo guyero pe me tic ki kabedo magi. Lukricitayo mukene gitiyo kwede me kubbe ki wadigi kacel ki luremgi. Ento, Larac-ci mito ni wati ki kabedo me nywako lok i intanet i yo marac ma twero balo nyingwa ki watwa ki Jehovah. Calo Yecu, watwero tic ki cik ma igi lac me Baibul me ngeyo owic ma watwero kemme kwede ki dok kit ma myero wagwokke kwede.​—Luka 4:4, 8, 12.

OWIC MA MYERO WAGWOKKE KI IYE:

• Tero cawa malac tutwal i kabedo me nywako lok i intanet. Tero cawa malac i tic ki kabedowa me intanet twero weko pe wanongo cawa me timo jami ma mitte i yo me cwiny.

  Cik ma igi lac: Ep 5:15, 16; Pil 1:10

• Neno jami ma pe gupore. Neno cal ma cilo twero tugo miti maraco dok weko wadoko opii nyo wadonyo i timo tim carocaro. Kwano lok pa jo mungak nyo kabedogi me intanet twero balo niyewa.

  Cik ma igi lac: Mat 5:28; Pil 4:8

• Coyo coc ki keto cal ma pe gupore. Ngat moni cwinye twero tere me coyo lok nyo keto cal ma pe opore i kabedo me intanet pien cwiny aye gin ma bitowa dong ma loyo ducu. Dok man twero balo nying ngat moni dok weko niyene doko goro.

  Cik ma igi lac: Rom 14:13; Ep 4:29

NEN VIDIO MA WIYE TYE NI TI KI KABEDO ME NYWAKO LOK I INTANET I YO MABER CI INEN KIT ME GWOKKE KI I OWIC MAGI: