Yecu Opwonnye me ‘Bedo Lawiny’

Kare ducu Yecu obedo lawiny bot Jehovah. (Jon 8:29) Dong pingo Baibul waco ni: ‘En opwonnye me bedo ki winy pi can ma en dong oneno?’—Ibru 5:8.

I kare ma onongo en tye i lobo, Yecu okato ki i can malit ma en pe oneno ki i polo. Me labolle, lunyodone onongo gimaro Jehovah matek ento gubedo ki roc. (Luka 2:51) En odeno can i cing lutela dini kacel ki ludito gamente ma kitgi rac. (Mat. 26:59; Mar. 15:15) Dok en oto to malit. Baibul waco ni: “Omwolle woko gire kene, obedo lawiny nio wa i to.”—Pil. 2:8.

Pi meno, Yecu opwonnye me bedo lawiny i yo manyen i kare ma en onongo tye i lobo. En onongo bidoko Kabaka ki Lalamdog, ma onongo twero niang gorowa maber. (Ibru 4:15; 5:9) Yecu odoko ngat ma pire tek adada dok me kony bot Jehovah i nge pwonnye me bedo lawiny ki i can mapatpat ma en oneno. Wan bene watwero bedo jo ma pigi tek dok me kony adada bot Jehovah pi tiyo tic ma en ominiwa ka wamedde ki bedo luwiny ka watye ka kemme ki ariya mapatpat.—Yak 1:4.