Lok me Poyo Wic pi Nino me Nipo

I mwaka-ni, kwero nino me Nipo bibedo i Ceng Adek April 12. Luelda omyero gunen ni gilubo tam magi.

◼ Ka gitye ka moko cawa me cokke man, omyero gunen ni pe kicako wot ki mugati ki vino i kin dano ma peya ceng opoto.

◼ Omyero kiniang dano ducu kacel ki lalok pi cawa ki kabedo ma kwer man bitimme iye woko con.

◼ Mugati ki vino ma kibitic kwede omyero kinong dok kiyub obed atera.—Nen Watchtower me Febuari 15, mwaka 2003, pot 14-15.

◼ Cuwan, gilac, meja kacel ki latam wiye maber omyero kiketgi con i ot ma nongo jami ducu kiyubo maber.

◼ Ot me Ker nyo kabedo mukene ma cokke man bibedo iye omyero kilwok obed maleng ma peya cawa oromo.

◼ Lujol wele kacel ki jo ma gibiwot ki mugati ki vino i kin dano omyero kinyutigi gin ma gibitimo con, omyero gunge ni rukgi ki kit ma ginen kwede omyero obed ma oporre.

◼ Omyero kiyub yub me tero mugati ki vino bot Lakricitayo mo ma kiwiro ma tye ki goro ma pe twero bino i cokke man.

◼ Ka kacokke makato acel bitic ki Ot me Ker acel, ci winye omyero obed tye i kin kacokke magi wek kabedo mogo calo doggola ki ka mukene calo kagwoko mutoka-gi pe opong ki dano woko.